23.08.2026 | 17:17
ՃՏՊ Արմավիր-Երևան ավտոճանապարհին․ կան տուժածներ և զոհ
Թուրքիայում ստեղծել են նոր համալիր՝ անօդաչուների հարձակումներից պաշտպանության համար
Քաղաքականություն
07.10.2021 | 20:57
Թուրքիայում աշխատում են անօդաչու թռչող սարքերի հարձակումներից կարևոր օբյեկտների պաշտպանության համակարգի վրա։ Դրա հիմքում Fedai կամիկաձե անօդաչուն է, որը ստեղծել են անօդաչուների դեմ պայքարի համար։ Այս մասին գրում է Lenta-ն՝ վկայակոչելով թուրքական Daily Sabah-ը։
Անօդաչուներից պաշտպանության համակարգը Havelsan և Transvaro ընկերությունների համատեղ մշակումն է։ Այն նախատեսված է կարևոր օբյեկտների պաշտպանության համար՝ անօդաչուներով օդային հարձակման ժամանակ։
Havelsan-ի ներկայացուցիչ Նեզիհ Շիշմանն ասել է, որ նոր համակարգն օգտագործում է արհեստական բանականությունը նպատակների հայտնաբերման ու դասակարգման համար։ Նրա խոսքով՝ անօդաչուների մոտեցումը պաշտպանվող գոտուն ֆիքսելու է ռադարը, որը նպատակի մասին տվյալները փոխանցելու է էլեկտրաօպտիկական համալիրին: Իր հերթին, համալիրը կարող է ուղեկցել թիրախին՝ նախքան Fedai անօդաչուն թռիչքի նախապատրաստելը: Սպառնալիքի չեզոքացումը տեղի է ունենում կամիկաձե անօդաչուի մարտագլխիկի պայթեցմամբ, որը թիրախի տեսողական սքանավորումից հետո ընտրում է պայթյունի օպտիմալ վայրը:
Շիշմանը նաև նշել է, որ մարտագլխիկի պայթյունը կարող է թիրախը խոցել 40 մետր հեռավորության վրա։ Համալիրը կներկայացվի առաջիկա երկու ամսվա ընթացքում։
Էմմա Չոբանյան
