14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Ոչ ոք չի կարող փչացնել Անկարայի և Բաքվի հարաբերությունները․ մեր զորավարժությունները որևէ մեկի դեմ ուղղված չեն․ Չավուշօղլու
Քաղաքականություն
07.10.2021 | 17:29
Թուրքիայի ԱԳ նախարար Մևլութ Չավուշօղլուն ադրբեջանական Report-ին տված հարցազրույցում անդրադարձել է թուրք-ադրբեջանական զորավարժությունների թեմային։
«Ոչ ոք չի կարող փչացնել Թուրքիայի և Ադրբեջանի միջև հարաբերությունները, թող իզուր ուժեր չվատնեն։ Մենք կարող ենք զորավարժություններ անցկացնել Թուրքիայում, Ադրբեջանում և համագործակցել միջազգային իրավունքի նորմերին համապատասխան»,- ասել է Չավուշօղլուն։
Նա նշել է, որ ոչ միայն Ադրբեջանը, այլև ցանկացած երկիր՝ ներառյալ Թուրքիան, կարող են կապեր հաստատել ցանկացած երկրի հետ տարբեր ոլորտներում։
«Եթե դրանք մեզ չեն վնասում, մենք այդ երկրներին չենք հարցնում՝ ինչո՞ւ են դա անում։ Մեր եղբայրությունը, մտերիմ հարաբերությունները ու համագործակցությունն Ադրբեջանի հետ, մեր զորավարժությունները որևէ մեկի դեմ ուղղված չեն։ Դրա համար թող ոչ ոք չանհանգստանա, մեր միասնությունը, եղբայրությունն ու համերաշխությունը ուղղված չեն ուրիշների դեմ»,- հայտարարել է թուրք նախարարը։
Էմմա Չոբանյան
