08.06.2026 | 22:58
Հայտնի է նոր Ազգային ժողովի առաջին նիստի օրը
ՀՅԴ երիտասարդներից մի քանիսը բերման ենթարկվեցին. ՏԵՍԱՆՅՈՒԹ
Քաղաքականություն
07.10.2021 | 15:32
ՀՅԴ «Նիկոլ Աղբալյան» ուսանողական միության անդամները բողոքի ակցիա են իրականացնում կառավարության շենքի դիմաց: Նրանց ձեռքին կան պաստառներ՝ «Ուշքի՛ արի, Շուշին դժգույն և դժբախտ չէր» և այլ գրություններով:
Ակցիայի մասնակիցների բողոքն ուղղված է Նիկոլ Փաշինյանի կողմից Լիտվայում հայ համայնքի հետ հանդիպման ժամանակ հնչեցրած հայտարարությանը, թե վերջին 30 տարում Շուշիում ոչինչ չի կառուցվել:
Ոստիկանության աշխատակիցները մոտեցան և բերման ենթարկեցին ակցիայի՝ բարձրախոսով ելույթ ունեցող մասնակցին՝ Տարոն Ղազարյանին և բերման ենթարկեցին:
Ավելի վաղ հայտնի էր դարձել, որ ակցիայի կազմակերպիչների հետ կապ էին հաստատել ոստիկանությունից ու ասել, որ եթե ակցիայի ընթացքում օգտագործվի բարձրախոս (ռուպռ)՝ մասնակիցներին բերման կենթարկեն։
Ակցիայի մասնակիցներից մեկը լրագրողների հետ զրույցում նշեց, որ իրենք եկել են միայն իրենց բողոքի ձայնը բարձրացնելու, հայտնելու, որ այս 30 տարում Շուշիում բազմաթիվ շենքեր են կառուցվել, ո՛չ շշեր էին նետելու կառավարության կողմը, ո՛չ հայհոյելու են, սակայն բարձրախոսով խոսելու համար իրենց ընկերոջը բերման ենթարկեցին:
Կարմիրբերետավորները լրագրողներին հետ հարցազրույց տալու պահին բերման ենթարկեցին ՀՅԴ-ական երիտասարդին՝ թույլ չտալով ավարտել խոսքը: Ոստիկանները պատճառաբանեցին, որ խաթարվում է հասարակական կարգը:
Մանրամասները՝ տեսանյութում:
