22.04.2026 | 23:30
ՀՀ տարածքում ավտոճանապարհները հիմնականում անցանելի են
Թուրքիայի ԱԳ նախարարը կմեկնի Ուկրաինա՝ քննարկելու Ղրիմյան հարթակի շրջանակում փոխգործակցության հետագա քայլերը
Քաղաքականություն
07.10.2021 | 16:46
Թուրքիայի ԱԳ նախարար Մևլութ Չավուշօղլուն իր ուկրաինացի պաշտոնակից Դմիտրի Կուլեբայի հրավերով երկօրյա աշխատանքային այցով կմեկնի Ուկրաինա: Թուրք նախարարը Լվով կժամանի այսօր, հայտնում է korrespondent-ը՝ վկայակոչելով Ուկրաինայի ԱԳՆ մամուլի ծառայությունը:
«Լվովում ուկրաինական և թուրքական դիվանագիտության ղեկավարները կանցկացնեն ռազմավարական պլանավորման համատեղ խմբի 9-րդ հանդիպումը: Բանակցություններն ուղղված են 2022 թվականի սկզբին Կիևում Ուկրաինայի և Թուրքիայի նախագահների գլխավորությամբ Բարձր մակարդակի ռազմավարական խորհրդի նիստի անցկացման նախապատրաստմանը»,- ասված է հաղորդագրության մեջ:
Կողմերը նախատեսում են առաջին հերթին քննարկել Սևծովյան տարածաշրջանում անվտանգությանը և Ուկրաինայի ու Թուրքիայի արտաքին և պաշտպանական գերատեսչությունների ղեկավարների մակարդակով քաղաքական-անվտանգային խորհրդակցություններին վերաբերող հարցեր:
Բացի այդ, նախարարները կքննարկեն Ղրիմյան հարթակի շրջանակում փոխգործակցության հետագա քայլերը և կգնահատեն արդեն ձեռք բերված պայմանավորվածությունների կատարումը:
Տաթև Ֆռանգյան
