17.12.2025 | 15:32
Սիրելի երեխաներ, ձեզ 2 պատգամավորի հետ կծանոթացնեմ․ Սիմոնյանը՝ Տ․ Մարգարյանի օգնականի մասին․ ՏԵՍԱՆՅՈՒԹ
ԱԱԾ տնօրենին արգելված է մեզ հետ հանդիպել. Գեղամ Նազարյան. ՏԵՍԱՆՅՈՒԹ
Քաղաքականություն
05.10.2021 | 14:29
«Մենք ուզում ենք հանրությանը ցույց տալ, որ քայլ պետք է անի վարչախումբը, կառավարող խմբակցությունը, մենք որոշում ենք կայացրել, որ Արթուր Ղազինյանն է մեր թեկնածուն, չեմ բացառում, որ 6-րդ, 7-րդ անգամ էլ մեր թեկնածուն նա կլինի: Սա քմահաճություն չէ»,- այս մասին այսօր լրագրողների հետ զրույցում նշեց «Հայաստան» խմբակցության պատգամավոր Գեղամ Նազարյանը՝ անդրադառնալով ԱԺ պաշտպանության և անվտանգային հարցերի մշտական հանձնաժողովի փոխնախագահի պաշտոնում մի քանի անգամ Արթուր Ղազինյանի թեկնածության առաջադրմանը:
«Իրականում սա մեկ մարդու քմահաճույք է, ոչ թե Քոչարյան Անդրանիկի կամ հանձնաժողովի որևէ անդամի, այլ Նիկոլ Փաշինյանի քմահաճույքն է: Ես այստեղ նրա ձեռագիրն եմ տեսնում: Նրա նպատակն այս հանձնաժողովի աշխատանքների տապալումն է, որովհետև այս հանձնաժողովում բազմաթիվ հարցեր պետք է քննարկվեն, բազմաթիվ հարցերի պատասխաններ ենք փորձելու ստանալ, և Փաշինյանին այս իրավիճակում ձեռնտու չէ, որ այս հանձնաժողովը զբաղվի գործով… Թեկուզ փակ ռեժիմով հիմա մենք պետք է քննարկեինք, օրինակ, թե այդ ինչ են արել Դավիթ Տոնոյանը և մյուսները, որ ձերբակալվել են, պետք է հրավիրեինք մասնագետներ՝ հասկանալու համար, թե դիրքերում ինչ իրավիճակ է, թե ում և ինչ հրամանով դեկտեմբերին մեր զորքերը հետ քաշվեցին և Իրանի հետ սահմանին մեր կարևորագույն սահմանը հանձնվեց Ադրբեջանին…»,- նշեց Նազարյանը:
Անդրադառնալով դիտարկմանը, որ ԱԺ-ում առաջարկ էր հնչել ԱԱԾ պետին հրավիրելու և սահմանային իրավիճակի շուրջ նրանից պարզաբանումներ ստանալու համար՝ Գեղամ Նազարյանը նշեց. «ԱԱԾ պետը չի խուսափում, նրան արգելված է մեզ հետ հանդիպել, և սա մի մարդու ՝ Նիկոլ Փաշինյանի ձեռագիրն է, որն արժեզրկում է անգամ ԱԺ-ն, բոլորին ուզում է ցույց տալ, որ կա միայն մեկ պաշտոնյա, որը զբաղվում է բոլոր հարցերով, և դա ինքն է»:
Մանրամասները՝ տեսանյութում:
