Հայաստանի ֆուտբոլի ազգային թիմի նորեկ Լուկաս Սելարայանը միացել է ֆուտբոլի ազգային հավաքականին, հայտնում են ՀՖՖ-ից:
«Հայաստանի ազգային ընտրանին արդեն իսկ գերմանական Ֆրանկֆուրտ քաղաքում է: Խոակին Կապառոսի գլխավորած թիմը նախապատրաստական փուլը կանցկացնի այդ քաղաքում»,- ասված է հաղորդագրությունում:
2022 թվականի աշխարհի առաջնության որակավորման փուլի J խմբում Հայաստանի ազգային հավաքականը նախ հոկտեմբերի 8-ին Ռեյկյավիկում կմրցի Իսլանդիայի հավաքականի հետ, այնուհետև հոկտեմբերի 11-ին կհյուրընկալվի Ռումինիայի ընտրանուն:
Ազգային թիմն այս խաղերից առաջ ունի 11 միավոր և J խմբում զբաղեցնում է 2-րդ հորիզոնականը։ Առաջատար գերմանիան ունի 15 միավոր, Ռումինիան 10 միավորով 3-րդն է, Հյուսիսային Մակեդոնիան 9 միավորով՝ 4-րդը։ Իսլանդիան ունի 4 միավոր, իսկ Լիխտենշտեյնը 1 միավորով աղյուսակի վերջին հորիզոնականում է։
