25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
ԱԳՆ-ից պարզաբանում են՝ ՀՀ դրոշը բացակայում է, քանի որ հանդիպումը դեռ չի մեկնարկել․ մամուլի քարտուղարը խմբագրել է գրառումը
04.10.2021 | 13:10
Ինչպես արդեն տեղեկացրել ենք, ՀՀ ԱԳ նախարար Արարատ Միրզոյանն աշխատանքային այցով Իրանում է։ Միրզոյանի մամուլի քարտուղար Վահան Հունանյանը երկու ժամ առաջ ֆեյսբուքյան գրառմամբ հայտնել էր, որ այցի շրջանակում «տեղի է ունենում ԱԳ նախարարներ Արարատ Միրզոյանի և Հոսսեյն Ամիր Աբդոլլահիանի հանդիպումը»։
Factor.am-ը քիչ առաջ գրեց, որ հանդիպմանը բացակայում է Հայաստանի Հանրապետության դրոշը։ ԱԳՆ-ից հեռախոսազանգի միջոցով մեզ պարզաբանում չտվեցին։ Մամուլի քարտուղար Վահան Հունանյանը քիչ առաջ խմբագրել է երկու երկրների ԱԳ նախարարների հանդիպման վերաբերյալ գրառումը՝ հայտնելով․ «Նախարար Միրզոյանին օդանավակայանում դիմավորեց ԻԻՀ ԱԳՆ Եվրասիայի գլխավոր վարչության պետ Ա․ Հաղիղիանը»։
Այս գրառումից հետո խոսնակը պատասխանեց ավելի վաղ տրված մեր այն հարցին, թե ինչու է բացակայում ՀՀ դրոշը․ «ԱԳ նախարարների հանդիպումը դեռ չի մեկնարկել, օդանավակայանում մեզ դիմավորել են, որի ժամանակ դրոշներ նախատեսված չեն։ ԱԳ նախարարների հանդիպումը կմեկնարկի ավելի ուշ, որի ժամանակ կլինի նաև ՀՀ դրոշը»։
Անդրադառնալով խմբագրված գրառմանը՝ Հունանյանն ասաց, որ դա ընդամենը տեխնիկական խնդիրների հետևանք էր։
Արփի Հակոբյան
