05.08.2026 | 18:43
Հաջիևը մեկնաբանել է Ադրբեջանի տարածքից Իրանին Իսրայելի կողմից հարվածի մասին լուրերը
Ինչո՞ւ է ՀՀ ու Իրանի ԱԳ նախարարների հանդիպմանը բացակայում ՀՀ դրոշը․ ԱԳՆ-ից պատասխան չկա
04.10.2021 | 11:59
Ինչպես արդեն տեղեկացրել ենք, մեկնարկել է ՀՀ ԱԳ նախարար Արարատ Միրզոյանի աշխատանքային այցն Իրան, որի շրջանակում տեղի է ունենում ԱԳ նախարարներ Արարատ Միրզոյանի և Հոսսեյն Ամիր Աբդոլլահիանի հանդիպումը։
Հանդիպմանը, սակայն, բացակայում է Հայաստանի դրոշը, ինչի շուրջ փորձեցինք պարզաբանում ստանալ ԱԳՆ-ից։ Լրատվության և հանրային դիվանագիտության վարչությունից մեզ ասացին, որ դիմենք ԱԳՆ մամուլի քարտուղար Վահան Հունանյանին։ Մինչ վարչության պետ Սերոբ Բեջանյանը կհորդորեր կապվել Հունանյանի հետ, Factor.am-ն առաջինը փորձեց կապ հաստատել հենց նրա հետ, որի հեռախոսոհամարը, սակայն, անհասանելի էր։ Լրատվամիջոցների հետ կապի և հանրային դիվանագիտության բաժնի պետ Իննա Թորգոմյանն էլ ասաց, որ զանգով չեն կարող պատասխանել, հարցում ուղարկենք։
Հիշեցնենք, որ սեպտեմբերի 23-ին Նյու Յորքում ՄԱԿ Գլխավոր ասամբլեայի 76-րդ նստաշրջանի աշխատանքներին մասնակցող ՀՀ ԱԳ նախարար Արարատ Միրզոյանը կրկին հանդիպել էր Իրանի ԱԳ նախարար Հոսսեյն Ամիր Աբդոլլահիանի հետ: Այդ անգամ հանդիպմանը կային երկու երկրների դրոշները։
Արփի Հակոբյան
