25.04.2026 | 18:02
Փաշինյանը ներկա է գտնվել Մալխաս և Ռոման Ամոյանների անվան նոր մարզադպրոցի հիմնարկեքի արարողությանը
Ադրբեջանին ԱԳՆ-ն պատասխանել է Իրանի ԱԳ նախարարի հայտարարություններին՝ դրանք անհիմն որակելով
Քաղաքականություն
04.10.2021 | 12:54
Ադրբեջանի ԱԳՆ մամուլի ծառայության ղեկավար Լեյլա Աբդուլլաևան արձագանքել է Իրանի ԱԳ նախարարի հայտարություններին՝ նշելով, որ դրանք անհիմն են համարում, գրում են տեղական լրատվամիջոցները։
«Մենք չենք ընդունում իրանա-ադրբեջանական սահմանի մոտ երրորդ ուժերի ներկայության, այդ ուժերի սադրիչ գործողությունների մասին պնդումները, քանի որ հայտարարությունները որևէ հիմք չունեն։ Ընդհանուր առմամբ, Ադրբեջանի տարածքում որևէ ուժի առկայությունը, այդ թվում՝ ահաբեկչական տարրերի, որոնք կարող էին մեր պետությանն ու հարևան երկրների համար վտանգ ներկայացնել, չեն կարող լինել քննարման առարկա»,- ասել է Աբդուլլաևան՝ պատասխանելով Իրանի ԱԳ նախարար Հոսեյն Ամիր Աբդուլլահիյանին։
Նա նշել է, որ «նման պնդումներն անհիմն են ու ադրբեջանական կողմին այդ առումով որևէ ապացույց չի ներկայացվել»։
Ադրբեջանի ԱԳՆ ներկայացուցիչն ասել է, որ Բաքուն աջակցում է հարաբերությունների հաստատմանը բոլոր երկրների հետ՝ միջազգային սահմանների փոխադարձ հարգման հիմքով։
«Ինչ վերաբերում է Ադրբեջանում օտար միջամտության մասին կարծիքներին, ապա կցանկանայինք ընդգծել, որ Ադրբեջանի Հանրապետությունը միշտ իրականացնում է անկախ արտաքին քաղաքականություն՝ հիմված ազգային շահերի վրա, և մեկ անգամ չէ, որ ապացուցել է վերջին 30 տարում կոնկրետ քայլերով։ Բարեկամական ու բարիդրացիական հարաբերությունների զարգացումը հարևան երկրների հետ մեր արտաքին քաղաքականության գլխավոր առաջնահերթություններից է, և մենք մշտական քայլեր ենք ձեռնարկում այդ ուղղությամբ»,- ասել է նա։
Աբդուլլաևան նաև նշել է, որ Ադրբեջանը շատ զգայուն է իսլամական համերաշխության հարցում։
Հիշեցնենք, որ Իրանի ԱԳ նախարար Հոսեյն Ամիր Աբդուլլահիյանը ավելի վաղ հայտարարել էր, որ Թեհրանը չի հանդուրժի «սիոնիստական ռեժիմի ներկայությունը իր սահմաններին ու նրա սադրիչ գործողությունները», ինչպես նաև տարածաշրջանում աշխարհաքաղաքական ու սահմանային փոփոխությունները։ Իրանի ԱԳ նախարարը նաև ասել է, որ իրենց դժգոհությունները դիվանագիտական խողովակներով փոխանցել են Ադրբեջանին։
Էմմա Չոբանյան
