18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ռազմագերիների վերադարձը կապահովի «պոզիտիվ ֆոն»՝ սահմանային արդյունավետ բանակցությունների համար. ՏԵՍԱՆՅՈՒԹ
Քաղաքականություն
04.10.2021 | 11:33
ՀՀ վարչապետ Նիկոլ Փաշինյանը դրական է համարել Նյու Յորքում Հայաստանի և Ադրբեջանի արտաքին գործերի նախարարների հանդիպումը: Լիտվայի վարչապետ Ինգրիդա Շիմոնիտեի հետ համատեղ ասուլիսին Փաշինյանը հայտարարել է, որ պատրաստ է հանդիպել Ադրբեջանի նախագահի հետ:
Հարցին, թե ե՞րբ և որտե՞ղ է ակնկալվում Փաշինյան-Ալիև հանդիպումը. ՀՀ վարչապետը նշեց. «Ժամկետի և տեղի սահմանափակում չունենք, որովհետև ԵԱՀԿ Մինսկի խմբի համանախագահները նման հանդիպումներ կազմակերպելու պրակտիկա ունեն: Թերևս միակ տրամաբանական սահմանափակումն այն է, որ այդ հանդիպումները տեղի են ունենում երրորդ երկրների տարածքում: Իմ պատրաստակամությունը նոր չէ, որովհետև ես արդեն վերջին ամիսներին մի քանի անգամ ողջունել եմ ԵԱՀԿ Մինսկի խմբի համանախագահների հայտարարությունը, որը վերաբերում է ԼՂ հակամարտության խաղաղ և համապարփակ կարգավորմանը: ԵԱՀԿ Մինսկի խմբի համանախագահության կողմից սեղանին դրված սկզբունքների և տարրերի հիման վրա, և այդ հանդիպմանը պատարստ ենք եղել: Հույս ունեմ, որ ԵԱՀԿ Մինսկի խմբի համանախագահության ներքո հնարավոր կլինի ակտիվացնել ԼՂ հակամարտության կարգավորմանը ուղղված ջանքերը»:
Վարչապետը նաև նշել է՝ նոյեմբերի 9-ի փաստաթղթում հստակ ձևակերպված է, որ ռազմագերիների, պատանդների և այլ պահվող անձինք պետք է վերադարձված լինեին մինչև այս պահը, բայց վերադարձված չեն: «Ռազմագերիների վերադարձը կապահովի «պոզիտիվ ֆոն»՝ սահմանային արդյունավետ բանակցությունների համար»,- ընդգծեց Փաշինյանը:
Մանրամասները տեսանյութում:
