08.06.2026 | 22:58
Հայտնի է նոր Ազգային ժողովի առաջին նիստի օրը
Ավստրիայում սպառնացել են պայթեցնել Բելառուսի դեսպանատունը
Քաղաքականություն
01.10.2021 | 20:33
Վիեննայի ոստիկանությունը գործողություն է իրականացրել Բելառուսի դեսպանության շենքում՝ կապված «պայթյունի սպառնալիքի» հետ։ Այս մասին հայտնել է ավստրիական Kronen Zeitung պարբերականը՝ հղում կատարելով իրավապահներին, փոխանցում է «ՌԻԱ Նովոստին»։
«Դեսպանատների տարածքների (արտատարածքային գոտու) հետ կապված հատուկ իրավական իրավիճակի կապակցությամբ ոստիկանության հետագա գործողությունները համակարգվել են դեսպանատան աշխատակիցների հետ: Կատարվել է տարածքի խուզարկություն, որը տվել է բացասական արդյունք: Այսպիսով, միջոցները (շրջափակում, տարհանում) կեսօրից անմիջապես հետո չեղարկվել են»,- ասել է գործակալության զրուցակիցը:
Ոստիկանությունից ընդգծել են, որ Վիեննայի Սահմանադրության պաշտպանության և ահաբեկչության դեմ պայքարի գրասենյակը կզբաղվի գործի հետաքննությամբ:
Տաթև Ֆռանգյան
