09.06.2026 | 21:24
Ադրբեջանը ծրագրում է Թուրքիայից KAAN կործանիչներ գնել
Պուտինը, հավանաբար, ներկայացրել է ռուսական կողմի պահանջները ուղղված Թուրքիային․ փորձագետը՝ Սոչիի հանդիպման մասին. ՏԵՍԱՆՅՈՒԹ
Հասարակություն
01.10.2021 | 17:44
Սեպտեմբերի 29-ին Սոչիում Ռուսաստանի և Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպմանը քննարկվել է ղարաբաղյան հակամարտության հետպատերազմյան կարգավորման գործընթացը, ինչպես նաև տարածաշրջանում հաղորդակցության ուղիների ապաշրջափակման հարցը:
Ռուս-թուրքական համագործակցությունը Պուտինը նաև անվանել է լուրջ երաշխիք՝ ուղղված կայունության, հաշտեցմանն ու կողմերի դիրքորոշումների համաձայնեցման հետագա քայլերին:
Իր հերթին Թուրքիայի նախագահը Սոչիից վերադարձի ճանապարհին լրագրողների հետ զրույցում կրկին անդրադարձել է Բաքվի կողմից արծարծվող «Զանգեզուրի միջանցքի» թեմային, որը, համաձայն Մոսկվայի ու Երևանի պաշտոնական հայտարարությունների, բանակցություններում չի քննարկվում:
«Պուտին-Էրդողան հանդիպման ղարաբաղյան համատեքստը» թեմայով առցանց քննարկման ժամանակ: անդրադարձ կատարվեց Պուտին-Էրդողան հանդիպման ենթատեքստերին, Հարավային Կովկասում Թուրքիայի աճող ազդեցության նպատակներին ու ներկա պատմական փուլում հայ-թուրքական հարաբերությունների կարգավորման հնարավորություններին:
Իր դիտարկումները ներկայացրեց միջազգային եւ թուրք-ռուսական հարաբերությունների փորձագետ Քերիմ Խասը: Նա նշեց, որ Սոչիի հանդիպմանը Պուտինը, հավանաբար, ներկայացրել է ռուսական կողմի պահանջները՝ ուղղված Թուրքիային:
Մանրամասները՝ տեսանյութում:
