09.06.2026 | 21:24
Ադրբեջանը ծրագրում է Թուրքիայից KAAN կործանիչներ գնել
ՌԴ-ի և Թուրքիայի միջև տարաձայնությունները Սոչիի հանդիպման արդյունքում որոշ չափով հաղթահարվել են․ Ռուբեն Սաֆրաստյան. ՏԵՍԱՆՅՈՒԹ
Քաղաքականություն
01.10.2021 | 17:32
Սեպտեմբերի 29-ին Սոչիում Ռուսաստանի և Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպմանը քննարկվել է ղարաբաղյան հակամարտության հետպատերազմյան կարգավորման գործընթացը, ինչպես նաև տարածաշրջանում հաղորդակցության ուղիների ապաշրջափակման հարցը:
Հատկանշական է, որ ՌԴ նախագահ Պուտինն ասել է, որ հրադադարի վերահսկման ռուս-թուրքական կենտրոնն ակտիվորեն գործում է «Ադրբեջանի եւ Հայաստանի սահմանին»՝ չնշելով Լեռնային Ղարաբաղը:
Մինչդեռ այդ կենտրոնը տեղակայված է Լեռնային Ղարաբաղի հետ շփման գծից մի քանի կիլոմետր դեպի Ադրբեջանի տարածքի խորքը՝ Աղդամի հատվածում:
Ռուս-թուրքական համագործակցությունը Պուտինը նաև անվանել է լուրջ երաշխիք՝ ուղղված կայունության, հաշտեցմանն ու կողմերի դիրքորոշումների համաձայնեցման հետագա քայլերին:
Իր հերթին Թուրքիայի նախագահը Սոչիից վերադարձի ճանապարհին լրագրողների հետ զրույցում կրկին անդրադարձել է Բաքվի կողմից արծարծվող «Զանգեզուրի միջանցքի» թեմային, որը, համաձայն Մոսկվայի ու Երևանի պաշտոնական հայտարարությունների, բանակցություններում չի քննարկվում:
Պուտին-Էրդողան հանդիպման ենթատեքստերին, Հարավային Կովկասում Թուրքիայի աճող ազդեցության նպատակներին ու ներկա պատմական փուլում հայ-թուրքական հարաբերությունների կարգավորման հնարավորություններին անդրադարձ կատարվեց «Պուտին-Էրդողան հանդիպման ղարաբաղյան համատեքստը» թեմայով առցանց քննարկման ժամանակ ՀՀ ԳԱԱ Արևելագիտության ինստիտուտի գիտական ղեկավարի պաշտոնակատար, թուրքագետ Ռուբեն Սաֆրաստյանն ընդգծեց, որ ՌԴ-ի և Թուրքիայի միջև տարաձայնությունները Սոչիի հանդիպման արդյունքում որոշ չափով հաղթահարվել են:
Մանրամասները՝ տեսանյութում:
