11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Կառավարությունը ԶՊՄԿ-ի բաժնետեր կդառնա. կառավարումը կիրականացնի վարչապետի աշխատակազմը
Տնտեսություն
30.09.2021 | 22:30
«Արդյունաբերական ընկերություն» բաժնետիրական ընկերությունը, հանդիսանալով «Զանգեզուրի պղնձամոլիբդենային կոմբինատ» փակ բաժնետիրական ընկերության 60,0000946% բաժնետոմսերի սեփականատեր, ցանկանում է Հայաստանի Հանրապետությանը նվիրաբերել ընկերության կանոնադրական կապիտալում սեփականության իրավունքով իրեն պատկանող բաժնետոմսերի 25%-ը:
Հայաստանի Հանրապետությունը, ի դեմս ՀՀ կառավարության, պատրաստակամություն է հայտնել ի սեփականություն ընդունել բաժնետոմսերը և դրանց կառավարման լիազորությունը վերապահել Հայաստանի Հանրապետության վարչապետի աշխատակազմին:
Այս հարցն ընդգրկված է եղել ՀՀ կառավարության՝ սեպտեմբերի 30-ի նիստում: Նախագիծը չի զեկուցվել, ընդունվել է գրավոր քվեարկությամբ:
Հիշեցնենք՝ Նիկոլ Փաշինյանը նախընտրական քարոզարշավի ժամանակ հայտարարում էր, որ ԶՊՄԿ-ի՝ ժողովրդից գողացված բաժինը վերադարձնելու են ժողովրդին: Նախագծում նշված չէ, թե վարչապետի աշխատակազմը որպես բաժնետեր որքան եկամուտ է ստանալու, եւ ինչ ուղղությամբ է այն ծախսվելու:
Նարեկ Կիրակոսյան
