18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Երիտասարդական միջազգային օլիմպիադա՝ 10-12-րդ դասարանների աշակերտների և քոլեջների ուսանողների համար
Հասարակություն
30.09.2021 | 12:42
ՌԴ «Էկոնոմիկայի բարձրագույն դպրոց» ազգային հետազոտական համալսարանը 2021 թվականի հոկտեմբերի 20-30-ը իրականացնում է Երիտասարդական միջազգային օլիմպիադա. տեղեկացնում են ՀՀ ԿԳՄՍՆ-ից:
Օլիմպիադան ընդգրկում է տասնյոթ առարկայական ուղղություններ (ռուսերենով)՝ Կենսաբանություն, Արևելագիտություն, Դիզայն, Լրագրություն, Օտար լեզու, Տեղեկատվական տեխնոլոգիաներ, Պատմություն, Մաթեմատիկա, Մեդիահաղորդակցություն, Միջազգային հարաբերություններ, Իրավունք, Հոգեբանություն, Գովազդ և հասարակայնության հետ կապեր, Ժամանակակից քաղաքականություն, Սոցիալական գիտություններ, Բանասիրություն, Փիլիսոփայություն:
Երիտասարդական միջազգային օլիմպիադա-2022-ին կարող են մասնակցել հանրակրթական ուսումնական հաստատությունների և վարժարանների 10-12-րդ դասարանների աշակերտները, քոլեջների ուսանողները:
Դիմումներն ընդունվում են առցանց՝ մինչև 2021 թ. հոկտեմբերի 10-ը:
Քննություններն անցկացվելու են 2021 թ. հոկտեմբերի 20-30-ը: Արդյունքները հրապարակվելու են օլիմպիադայի պաշտոնական կայքում մինչև 2021 թ. դեկտեմբերի 24-ը:
Օլիմպիադայի հաղթողներն ու մրցանակակիրները հնարավորություն կունենան առանց ընդունելության քննությունների 2022 թվականին և 2023 թվականին ընդունվել «Էկոնոմիկայի բարձրագույն դպրոց» ազգային հետազոտական համալսարան՝ Ռուսաստանի Դաշնության բյուջեի միջոցների հաշվին բակալավրի կրթական ծրագրով ուսանելու համար, իսկ վճարովի համակարգ ընդունվելու պարագայում կունենան զեղչի իրավունք ողջ ուսումնառության համար:
Գրանցման և մասնակցության վերաբերյալ մանրամասներին կարելի է ծանոթանալ Երիտասարդական միջազգային օլիմպիադայի պաշտոնական կայքէջից:
