18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Եվրամիությունը կքննարկի Վրաստանի համար առանց վիզայի մուտքի ռեժիմը վերացնելու հարցը
Քաղաքականություն
30.09.2021 | 10:03
Եվրամիության անդամ երկրները հոկտեմբերի 13-ին կքննարկեն Վրաստանի համար վիզայի մուտքի ռեժիմի հարցը: Այս հարցն առաջ է քաշվել, երբ Վրաստանից ապաստան ստանալու անհիմն պահանջն աճել է 51 տոկոսով. գրում է aliq.ge-ն:
EUobserver- ի փոխանցմամբ՝ սեպտեմբերի 27-ին հրապարակված ԵՄ ներքին զեկույցի բովանդակության համաձայն՝ Գերմանիան դժգոհություն է հայտնել Վրաստանից, Մոլդովայից և Ուկրաինայից, ինչպես նաև խնդրահարույց երկրների առաջին տասնյակում նշել է Ալբանիան և Սերբիան։
Զեկույցում նշվում է, որ երեք ամսվա ընթացքում Վրաստանից ապաստան հայցողների թիվն աճել է 51 տոկոսով՝ 2019 թվականի նույն ժամանակահատվածի համեմատ:
Չեխիան նույնպես պնդել է, որ ապաստան տրամադրելու անհիմն պահանջարկը մեծ է Վրաստանի, Մոլդովայի և Ուկրաինայի քաղաքացիների կողմից։ Ֆրանսիան դժգոհություն է հայտնել Վրաստանից և Ալբանիայից:
Հիշեցնենք, որ Վրաստանի և Ուկրաինայի քաղաքացիների համար ԵՄ-ն առանց վիզայի կարճատև մուտքի ռեժիմը թույլ տվեց 2017-ին։
