18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Էնթոնի Բլինքենը ՌԴ-ին մեղադրել է մարդու իրավունքներին առնչվող ԵԱՀԿ հանդիպումն արգելափակելու համար
Քաղաքականություն
29.09.2021 | 17:02
ԱՄՆ պետքարտուղար Էնթոնի Բլինքենը Ռուսաստանին մեղադրել է մարդու իրավունքներին առնչվող ԵԱՀԿ ամենամյա հանդիպումն արգելափակելու համար։ Միջոցառումը նախատեսվում էր անցկացնել սեպտեմբերի 27-ին։
«Երեկ Լեհաստանի Վարշավա քաղաքում պետք է բացվեր Եվրոպա-Եվրասիա տարածաշրջանի՝ մարդու իրավունքների վերաբերյալ գլխավոր համաժողովը: Ցավոք, 2021 թվականին ԵԱՀԿ մարդու իրավունքների վերաբերյալ հանդիպումը տեղի չի ունեցել՝ այն արգելափակելու՝ Ռուսաստանի կառավարության որոշման պատճառով: Մենք խորապես ափսոսում ենք Ռուսաստանի իշխանությունների՝ մարդու իրավունքների ոլորտի վատթարացման վերահսկողությունը արգելափակելու փորձի համար»,- ասված է ԱՄՆ Պետքարտուղարության տարածած հայտարարության մեջ։
Ամերիկյան արտաքին քաղաքական գերատեսչության ղեկավարի խոսքով՝ Վաշինգտոնը «նախկինի պես ակնկալում է, որ ԵԱՀԿ-ն և դրա անդամ երկրները կանցկացնեն իրենց նախատեսած հանդիպումները, որոնք նվիրված են մարդու իրավունքների թեմային»։
Տաթև Ֆռանգյան
