23.08.2026 | 21:47
Ջրափրկարարները քաղաքացիներին անվնաս դուրս են բերել ափ
Սիրիայի արտգործնախարարը ՄԱԿ-ի ամբիոնից հայտարարել է, որ Թուրքիան թալանում է Սիրիայի ժողովրդին
Քաղաքականություն
28.09.2021 | 16:06
Սիրիայի արտաքին գործերի նախարար Ֆայսալ Միքդադը ՄԱԿ-ի Գլխավոր ասամբելայի 76-րդ նստաշրջանում հայտարարել է, որ Թուրքիան և ԱՄՆ-ն բռնազավթիչ են և թալանում են Սիրիայի ժողովրդին պատկանող բնական ռեսուրսները։ Նա կոչ է արել ԱՄՆ-ին և Թուրքիային դուրս բերել զորքերը Սիրիայից. գրում է ermenihaber-ը:
Միքդադը նշել է, որ Թուրքիայի ռեժիմը հերթական անգամ ցույց է տվել, որ հավատարիմ չէ Աստանայի գործընթացին և Իդլիբի մասին Սոչիի համաձայնագրին։ Շեշտել է, որ Թուրքիան շարունակում է աջակցել և պաշտպանել տարածաշրջանում ահաբեկիչներին՝ մասնավորապես «Ալ Նուսրա» ճակատին։
Սիրիայի ԱԳ նախարարը Թուրքիային մեղադրել է նաև Սիրիայի հյուսիսարևելյան շրջանները «թուրքականացնելու» և ժողովրդի համար խմելու ջրի խնդիրներ ստեղծելու մեջ։
Նա հայտարարել է, որ Թուրքիայի ռեժիմը Սիրիայի տարածքներում պատերազմական և մարդկության դեմ ուղղված հանցանքներ է գործել և կոչ է արել ՄԱԿ-ի Անվտանգության խորհրդին անհապաղ քայլեր ձեռնարկել։
