12.02.2026 | 23:18
Առաջարկվում է նախակրթարանի տարիքային շեմը նվազեցնել մինչև 4 տարեկան
Եվրոպայում գազի գինը պատմության մեջ առաջին անգամ գերազանցել է 1000 դոլարը՝ 1000 խ․մ․-ի դիմաց
Տնտեսություն
28.09.2021 | 14:37
Գազի գները եվրոպական ֆյուչերսային շուկայում պատմության մեջ առաջին անգամ գերազանցել է 1000 դոլարը՝ հազար խորանարդ մետրի դիմաց։ Այս մասին գրում է ՌԻԱ Նովոստին՝ վկայակոչելով ICE Futures-ի տվյալները:
Այսպիսով, եվրոպական ամենալիկվիդային հանգույցի՝ հոլանդական TTF ինդեքսի ֆյուչերսները սկսվել են 992 դոլարից և Մոսկվայի ժամանակով ժամը 10:10 հասել պատմական առավելագույնին՝ գրեթե 1030 դոլարի:
Նշենք, որ նախորդ ռեկորդը գրանցվել էր սեպտեմբերի 15-ին, երբ հազար խորանարդ մետրի դիմաց գինը հասել էր 963,9 դոլարի:
Եվրոպայում վերջին շաբաթների ընթացքում վառելիքի գինը թանկացել է ավելի քան մեկուկես անգամ. սեպտեմբերի 1-ին գազը վաճառվում էր 614 դոլարով՝ հազար խորանարդ մետրի դիմաց:
Վերլուծաբանները կարծում են, որ դա պայմանավորված է եվրոպական գազի պահուստարանների ցածր պարունակության պատճառով հնարավոր դեֆիցիտի հետ կապված մտահոգություններով: Բացի այդ, բարձր պահանջարկը պայմանավորված է տնտեսության վերականգնմամբ և եղանակային գործոններով, ինչպես նաև Ասիայի հետ մրցակցությամբ և եվրոպական խոշորագույն մատակարար «Գազպրոմի» մատակարարումների սահմանափակմամբ:
