14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Ալիևը կրկին հայտարարել է, թե «ԼՂ հակամարտություն ու տարածքային միավոր գոյություն չունի» և սպառնացել Հայաստանին
Քաղաքականություն
27.09.2021 | 13:28
Ադրբեջանի նախագահ Իլհամ Ալիևը կրկին հայտարարել է, թե Լեռնային Ղարաբաղի հակամարտությունն ավարտվել է, Ադրբեջանի տարածքում էլ Լեռնային Ղարաբաղ տարածքային միավոր այլևս գոյություն չունի։
«Մենք հակամարտությունը կարգավորել ենք ռազմաքաղաքական ճանապարհով, պատերազմը մնացել է անցյալում, Լեռնային Ղարաբաղի հակամարտությունը ևս մնացել է անցյալում։ Լեռնային Ղարաբաղ տարածքային միավոր Ադրբեջանի տարածքում գոյություն չունի»,- հայտարարել է Ալիևը Ադրբեջանի ժողովրդին հղած ուղերձում, փոխանցում են տեղական լրատվամիջոցները։
«Եթե ինչ-որ մեկն ուզում է վերակենդանացնել «Լեռնային Ղարաբաղ» անունով մահացածին, ապա դա թող անի իր սեփական տարածքում։ Թող իր սեփական տարածքում ստեղծի հանրապետություն, միավոր, հանրույթ։ Մենք այն կճանաչենք, բայց՝ ոչ մեր տարածքում»,- ասել է Ալիևը՝ նշելով, թե, իբր, «Ղարաբաղյան հարցը գտել է իր լուծումը և յուրաքանչյուրը պետք է դրա հետ հաշվի նստի»։
Բացի այդ, Ադրբեջանի նախագահն Արցախի դեմ սանձազերծած պատերազմից մեկ տարի անց կրկին սպառնացել է Հայաստանին ու հայ ժողովրդին․ «Ես արդեն ասել եմ, այսօր էլ ևս մեկ անգամ ուզում եմ ասել՝ եթե մենք տեսնենք, որ հայկական «ֆաշիզմը» գլուխ է բարձրացնում, եթե տեսնենք, որ մեր ժողովրդի ու պետության համար վտանգի նոր աղբյուր է հայտնվում, ապա առանց տատանվելու ևս մեկ անգամ կկոտրենք «հայկական ֆաշիզմի գլուխը»»։
Էմմա Չոբանյան
