16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Տեղի է ունեցել COVID-19 ապատեղեկատվության հակազդման հիմնախնդիրները թեմայով երկօրյա սեմինար-քննարկում
26.09.2021 | 19:19
Առողջապահության նախարարության և Միջազգային հանրապետական ինստիտուտի հայաստանյան մասնաճյուղի համատեղ ջանքերով տեղի է ունեցել COVID-19 ապատեղեկատվության հակազդման հիմնախնդիրները թեմայով երկօրյա սեմինար-քննարկում: Այս մասին հայտնում են ՀՀ Առողջապահության նախարարությունից։
Պանելային քննարկմանը մասնակցել են առողջապահության նախարարության բժիշկ-համաճարակաբաններ, անկախ փորձագետներ, ոլորտի, ինչպես նաև զանգվածային մի շարք լրատվամիջոցների ներկայացուցիչներ:
Բացման խոսքով հանդես է եկել Միջազգային հանրապետական ինստիտուտի հայաստանյան մասնաճյուղի տնօրեն Ջեյմս Դե Ուիթը:
COVID-19-ի ապատեղեկատվության դեմ հակազդելու հիմնական մարտահրավերներին են ադրադարձել Մեդիա նախաձեռնությունների կենտրոնի գլխավոր խմբագիր Գեղամ Վարդանյանը, Տեղեկատվական անվտանգության մասնագետ, մեդիա փորձագետ Սամվել Մարտիրոսյանը:
ՀՀ ԱՆ Հիվանդությունների վերահսկման և կանխարգելման ազգային կենտրոնի (ՀՎԿԱԿ) մանկաբույժ Պիրիջիդա Սիմոնյանը խոսել է պատվաստանյութերի և պատվաստումների վերաբերյալ միֆերից, պարզաբանել դրանով պայմանավորված հաճախ հնչող հարցերը: ՀՎԿԱԿ Վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանն անդրադարձել է պարտադիր պատվաստումների նոր կանոնակարգերին, կրկնավարակին:
Հայաստանի ամերիկյան համալսարանի հանրային առողջապահության ֆակուլտետի դեկան Վարդուհի Պետրոսյանը ներկայացրել է ապատեղեկատվության դեմ պայքարի հարցում միջազգային փորձը, դրա հետ կապված պատճառահետևանքային խնդիրներն ու գիտահետազոտական նոր մոտեցումները:
Զանգվածային լրատվամիջոցների ներկայացուցիչները հարցուպատասխանների միջոցով բարձրացրել են պատվաստումների վերաբերյալ իրենց հուզող մի շարք հարցեր, փորձագետների հետ քննարկել պատվաստանյութերի ընտրության, անվտանգության և դրանց արդյունավետության խնդիրները:
