09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ՀՀ ԱԳ նախարարն ու ՄԱԿ-ի գլխավոր քարտուղարը քննարկել են հայ-ադրբեջանական սահմանին տիրող իրավիճակը
Քաղաքականություն
26.09.2021 | 11:44
ՄԱԿ-ի գլխավոր քարտուղար Անտոնիու Գուտերեշը և ՀՀ արտաքին գործերի նախարար Արարատ Միրզոյանը սեպտեմբերի 25-ին քննարկել են հայ-ադրբեջանական սահմանին տիրող իրավիճակը: Այս մասին ասված է Գուտերիշի գրասենյակի տարածած հաղորդագրության մեջ։
Գլխավոր քարտուղարն ու արտգործնախարարը քննարկել են Հայաստանի և Ադրբեջանի համագործակցությունը։
«Նրանք նաև քննարկել են հայ-ադրբեջանական սահմանին տիրող իրավիճակը եւ տարածաշրջանային համագործակցության և կայուն խաղաղության առաջմղման ջանքերը»,- նշվում է հաղորդագրության մեջ:
Գուտերեշը նշել է ՄԱԿ-ի աջակցությունը շարունակվող երկխոսությանը և խաղաղարար ջանքերին, ինչպես նաև տարածաշրջանում ՄԱԿ-ի կազմակերպությունների աշխատանքին:
«Նա (Գուտերեշը) նույնպես ընդգծել է մշակութային ժառանգության օբյեկտների պաշտպանության կարևորությունը»,- ՏԱՍՍ-ի փոխանցմամբ՝ հավելել են գլխավոր քարտուղարի գրասենյակում:
Ավելի վաղ ՄԱԿ-ի Գլխավոր ասամբլեայի 76-րդ նստաշրջանի շրջանակներում կայացել է Հայաստանի և Ադրբեջանի արտգործնախարարների ՝ 2020 թվականի նոյեմբերից ի վեր առաջին հանդիպումը։
