14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Իրանի ԱԳ նախարարն ադրբեջանցի գործընկերոջ հետ քննարկել է իրանական բեռնատարների երթևեկի և իրանցի վարորդների ձերբակալման հարցերը
Քաղաքականություն
24.09.2021 | 15:06
ՄԱԿ-ի Գլխավոր վեհաժողովի 76-րդ նստաշրջանի շրջանակում տեղի է ունեցել Իրանի և Ադրբեջանի ԱԳ նախարարների հանդիպումը։ Այս մասին տեղեկացնում է Իրանի ԱԳՆ-ն։
Տարածված հաղորդագրության համաձայն՝ Ադրբեջանի ԱԳ նախարար Ջեյհուն Բայրամովը, մասնավորապես, նշել է, որ երկու երկրների հարաբերություններն ունեն դրական դինամիկա։ Նա նաև շնորհակալություն է հայտնել Իրանին՝ «Ադրբեջանի տարածքային ամբողջականությանն աջակցելու համար» և նշել , որ պատրաստ են համագործակցել տարբեր ոլորտներում։
Իրանի ԱԳ նախարար Հոսեյն Ամիրաբդոլլահյանն իր հերթին նշել է, որ երկու երկրների հարաբերությունները շատ կարևոր են և հույս է հայտնել, որ նախկին պայմանավորվածությունները կյանքի կկոչվեն՝ հավելելով, որ Իրանի նոր կառավարությունը հատուկ առաջնահերթություն է տալիս հարևանների հետ հարաբերություններին։ Նա երկու երկրների ընդհանրություններն անվանել է խորը և բազմազան։
Ամիրաբդոլլահյանն Արցախի գրավյալ տարածքների վերականգնումը «երկու երկրների միջև ծավալուն համագործակցության հիմք է անվանել»։
Իրանցի նախարարն ադրբեջանցի գործընկերոջ հետ քննարկել է նաև իրանական բեռնատարների տարանցման ու երթևեկության դյուրացման հարցը, ինչպես նաև Ադրբեջանի ոստիկանության կողմից իրանցի երկու վարորդների ձերբակալման հետ կապված խնդիրը։ Նախարարները պայմանավորվել են լուծել այդ հարցերը երկու կողմերի միջև շփումների միջոցով։
Էմմա Չոբանյան
