04.05.2024 | 22:05
Պատգամավորները Վաշինգտոնում հանդիպել են ԱՄՆ ՄԶԳ կառավարչի փոխտեղակալ Ալեքսանդր Սոկոլովսկու հետ
Էրդողանը հայտնել է Իգդիրից Ադրբեջան նոր ավտոճանապարհ ու երկաթուղի կառուցելու մասին
Քաղաքականություն
24.09.2021 | 13:28
Թուրքիայի նախագահ Ռեջեփ Թայիփ Էրդողանը Նյու Յորքում լրագրողների հետ զրույցում հայտնել է, որ նախատեսում են շուտով ճանապարհ կառուցել Իգդիրից Ադրբեջան, այդ թվում՝ երկաթուղային։ Այս մասին գրում է «Անադոլու» գործակալությունը։
Էրդողանը շեշտել է, որ մայրուղու կառուցումը շատ կարևոր քայլ կլինի՝ հավելելով, որ «Ադրբեջանում ինտենսիվ աշխատանքները շարունակվում են»։
«Շատ կարևոր է քայլերի միջոցով, որոնք իրականացնում ենք հիմա, ճանապարհ հարթել Իգդիրից Ադրբեջան։ Այն ներառում է նաև երկաթուղին։ Այս մայրուղու կառուցումը շատ կարևոր քայլ կլինի»,- ասել է Թուրքիայի նախագահը։
Նա նաև տեղեկացրել է, որ տարածաշրջանում հաղորդակցությունների ապաշրջափակման հարցերը ներառվելու են Թուրքիայի ու Ռուսաստանի ղեկավարների առաջիկա հանդիպման օրակարգում։
Էմմա Չոբանյան
