17.07.2026 | 11:15
ՌԴ-ն արգելել է Թուրքիայից մրգերի ներմուծումը` Ուկրաինային տրվող երաշխիքներին միանալու որոշման ֆոնին
Ադրբեջանը ՄԱԿ-ի Արդարադատության դատարան Հայաստանի դեմ հակընդդեմ հայց է ներկայացրել
Քաղաքականություն
24.09.2021 | 12:19
Ադրբեջանը ՄԱԿ-ի Արդարադատության միջազգային դատարան ՀՀ-ի դեմ հայց է ներկայացրել «Ռասայական խտրականության բոլոր ձևերի վերացման միջազգային կոնվենցիայի» խախտումների համար, գրում են ադրբեջանական լրատվամիջոցները` հղում անելով դատարանի հրապարակած տեղեկատվությանը։
Նշվում է, որ ըստ դիմումատուի` «Հայաստանը մասնակցել և շարունակում է մասնակցել մի շարք խտրական գործողությունների ադրբեջանցիների նկատմամբ՝ նրանց ազգային կամ էթնիկ ծագման հիման վրա»:
Ադրբեջանը դատական փաստաթղթերում նաև նշում է, որ Հայաստանը ուղիղ կամ անուղղակի եղանակներով «շարունակում է իր էթնիկ զտումների քաղաքականությունը, ատելություն և ազգամիջյան բռնություն է հրահրում ադրբեջանցիների նկատմամբ»:
Հիշեցնենք, որ ավելի վաղ Հայաստանն էր դիմել ՄԱԿ-ի Արդարադատության միջազգային դատարան՝ հայց ներկայացնելով Ադրբեջանի դեմ։ Հայկական դիմումից հետո էլ Ադրբեջանի ԱԳՆ-ն հայտարարել էր, որ պատրաստվում են հակընդդեմ հայց ներկայացնել։
Էմմա Չոբանյան
