19.11.2024 | 17:12
Քաղաքացիության պարտադիր պայման սահմանելը հակասում է փախստականների իրավունքների մասին կոնվենցիայի․ ՏԵՍԱՆՅՈՒԹն
Ալիևը ՄԱԿ-ի ելույթում հայտարարել է, որ Լեռնային Ղարաբաղ անունով տարածքային միավոր ու հակամարտություն գոյություն չունի
Քաղաքականություն
24.09.2021 | 11:31
Ադրբեջանի նախագահ Իլհամ Ալիևը ՄԱԿ-ի Գլխավոր Վեհաժողովի 76-րդ նստաշրջանի իր ելույթում հերթական անգամ հայտարարել է, որ Ադրբեջանը ռազմաքաղաքական ճանապարհով կարգավորել է Արցախյան հակամարտությունը և «վերականգնել իր տարածքային ամբողջականությունն ու պատմական արդարությունը»։ Նա կրկին ասել է, որ, իբր, Լեռնային Ղարաբաղի հակամարտությունը մնացել է անցյալում, hաղորդում են ադրբեջանական լրատվամիջոցները։
«Ադրբեջանում այլևս չկա Լեռնային Ղարաբաղ անունով վարչատարածքային միավոր։ Հուլիսի 7-ին նախագահական հրամանով մենք ստեղծել ենք Ղարաբաղյան ու Արևելա-զանգեզուրյան տնտեսական գոտիներ։ Առիթից օգտվելով կոչ եմ ՄԱԿ-ի անդամներին մեր տարածքների մասին խոսելիս չկիրառել իրավական տեսակետից գոյություն չունեցող, քաղաքական կանխակալ անուններ, որոնք մանիպուլյատիվ բնույթ են կրում»,- ասել է Ադրբեջանի նախագահը։
Էմմա Չոբանյան
