07.03.2026 | 14:59
Օդի ջերմաստիճանը կնվազի 2-4 աստիճանով
Էլբրուս վերելքի ժամանակ 5 լեռնագնաց է մահացել․ 14-ին հաջողվել է փրկել
Քաղաքականություն
24.09.2021 | 15:43
Կաբարդինո-Բալկարիայում Էլբրուս վերելքի ժամանակ մահացել է հինգ լեռնագնաց, արշավի 14 մասնակից փրկվել է: Շուրջ 5400 մետր բարձրության վրա գտնվող մարդկանց որոնողա-փրկարարական գործողությունը տևել է ավելի քան յոթ ժամ, գրում է BBC-ի ռուսական ծառայությունը:
«Էլբրուս լեռան վրա մի խումբ լեռնագնացների որոնողա-փրկարարական գործողության ընթացքում 14 հոգի փրկվել է, նրանք տարհանվել են Ազաուի ձոր հատուկ թրթուրավոր մեքենաներով և փոխանցվել բժիշկներին: Ցավոք, հինգ մարդ զոհվել է»,- հայտնել են ՌԴ ԱԻՆ ծառայությունից։
Ըստ Կաբարդինո-Բալկարիայի արտակարգ իրավիճակների նախարարության գլխավոր վարչության պետ Միխայիլ Նադեժինի՝ լեռնագնացների մեծ մասը վիրավոր է:
«Հայտնի է, որ գրեթե բոլորը սուր ցրտահարություն ունեն: Ոմանք ունեն վերջույթների կոտրվածքներ: «Աղետների բժշկությունն» այժմ նրանց դիմավորում է գրեթե 4000 մետր բարձրության վրա»,- ասել է նա ՏԱՍՍ գործակալությանը:
Նադեժինն ավելի ուշ հայտնել է, որ փրկարարական գործողությունն ավարտվել է, այն տևել է ավելի քան յոթ ժամ:
Արշավականներն օգնություն են խնդրել Էլբրուս լեռան վրա եղանակային պայմանների վատթարացումից հետո։
Տաթև Ֆռանգյան
