29.06.2026 | 18:47
Կայա Կալլասը Կովկասի զարգացումների համատեքստում խոսել է Թուրքիայի ռազմավարական կարևորությունից
ԱՄՆ-ի և Թուրքիայի նախագահների խորհրդականները հանդիպել են Սպիտակ տանը․ անդրադարձ է եղել նաև Արցախյան պատերազմին
Քաղաքականություն
23.09.2021 | 14:52
ԱՄՆ նախագահի ազգային անվտանգության հարցերով խորհրդական Ջեք Սալիվանը նախօրեին Սպիտակ տանը հանդիպել է Թուրքիայի նախագահի խոսնակ, գլխավոր խորհրդական Իբրահիմ Քալընի հետ։ Այս մասին գրում է «Անադոլու» գործակալությանը։
Թուրքական կողմի տարածած հաղորդագրության համաձայն՝ Քալընն ու Սալիվանը քննարկել են երկկողմ հարաբերությունները, կորոնավիրուսի համավարակն ու կլիմայի փոփոխությունները, ինչպես նաև զարգացումները Աֆղանստանում, Սիրիայում, Լիբիայում, Կիպրոսում ու Արևելյան Միջերկրականում։
Քալընն ու Սալիվանն ընդգծել են Թուրքիա-ԱՄՆ հարաբերությունների ռազմավարական նշանակությունը և մտքեր փոխանակել տնտեսական համագործակցության բարելավման ուղղությամբ ձեռնարկվելիք քայլերի մասին։
Կողմերը նաև ընդգծել են միջազգային համագործակցության անհրաժեշտությունը՝ Աֆղանստանում հումանիտար ճգնաժամը կանխելու համար։
Սալիվանն ու Քալընը քննարկել են նաև Արցախյան պատերազմն ու դրանից հետո ստեղծված իրավիճակը։
«Նրանք գնահատել են իրավիճակը Հարավային Կովկասում Հայաստանի ու Ադրբեջանի միջև Ղարաբաղյան պատերազմից հետո, ինչպես նաև ընդգծել տարածաշրջանային խաղաղության ու կայունության պահպանման գործում բազմակողմ ջանքերի կարևորությունը»,- ասվում է հաղորդագրության մեջ։
Հանդիպման մասին Սպիտակ տան տարածած հաղորդագրության մեջ էլ նշվում է, որ կողմերը կարծիքներ են փոխանակել Հարավային Կովկասում զարգացումների վերաբերյալ։
Էմմա Չոբանյան
