30.07.2026 | 14:32
Ես ունեմ մեղք, բանակի ղեկավարության վրա պետք չի գցել. Փաշինյանը` զոհերի մասին․ ՏԵՍԱՆՅՈւԹ
Իրանի, Թուրքիայի ու Ադրբեջանի ԱԳ նախարարները եռակողմ հանդիպում կանցկացնեն Թեհրանում
Քաղաքականություն
23.09.2021 | 13:22
Թուրքիայի ԱԳ նախարար Մևլութ Չավուշօղլուն ու Իրանի ԱԳ նախարար Հոսեյն Ամիրաբդոլահիանը հանդիպել են Նյու Յորքում ՄԱԿ-ի Գլխավոր վեհաժողովի շրջանակում։ Այս մասին հայտնում է Իրանի ԱԳՆ-ն։
Նախօրեին կայացած հանդիպմանը կողմերը քննարկել են երկկողմ ու տարածաշրջանային հարցեր, հատկապես՝ զարգացումները Աֆղանստանում ու Սիրիայում։ Ինչ վերաբերում է երկկողմ հարաբերություններին, նախարարները համաձայնության են եկել Իրան-Թուրքիա ռազմավարական կոմիտեի նիստի անցկացման շուրջ։ Նրանք նաև պայմանավորվել են Թեհրանում եռակողմ հանդիպում անցկացնել՝ Իրանի, Ադրբեջանի ու Թուրքիայի ԱԳ նախարարների մասնակցությամբ։
Իրանի ԱԳ նախարարն անդրադարձել է նաև տարածաշրջանային խնդիրներին ու ընդգծել, որ նոր զարգացումներ են տեղի ունենում և Թեհրանի ու Անկարայի միջև կանոնավոր խորհրդակցությունները հիմա, ավելի քան երբևէ, անհրաժեշտ են։
Էմմա Չոբանյան
