10.05.2024 | 15:52
Շուտով ՊՆ-ն ավտոմատ համակարգ կունենա և բոլորի տեղը կիմանա․ Անդրանիկ Քոչարյան․ ՏԵՍԱՆՅՈՒԹ
Թեհրանն անընդունելի է համարում վրաց սահմանապահների վերաբերմունքը Իրանի քաղաքացիների նկատմամբ և պահանջում է անհապաղ լուծել հարցը
Քաղաքականություն
23.09.2021 | 15:50
Իրանի ԱԳՆ խոսնակ Սաիդ Խաթիբզադեն անընդունելի է համարել Վրաստանի սահմանապահների կողմից խտրական և անպատշաճ պահվածքը Իրանի քաղաքացիների նկատմամբ և հորդորել Թբիլիսիին՝ հնարավորինս շուտ լուծել հարցը, գրում է Tasnim գործակալությունը։
Ի պատասխան Վրաստանում բնակվող իրանցիներից ստացված բողոքների՝ այդ երկրի սահմանապահների կողմից երկիր մուտք գործելու հարցում խտրական և ոչ պատշաճ վերաբերմունքի վերաբերյալ, Խաթիբզադեն հայտարարել է, որ խնդրին համակ ուշադրությամբ հետևում է Թբիլիսիում Իրանի դեսպանությունը, ինչպես նաև տեղեկացվել է Թեհրանում Վրաստանի դեսպանությունը։
Խաթիբզադեն շեշտել է, որ Վրաստանի նման վարքագիծը բացարձակապես անընդունելի է: Նա հավելել է, որ ակնկալվում է, որ Վրաստանի իշխանությունները հնարավորինս արագ կլուծեն այդ խնդիրները:
Նշենք, որ վերջերս վրաց սահմանապահներն արգելել են իրանցիների մուտքը Վրաստան, նույնիսկ նրանց, որոնք վրացական կացության մշտական քարտ ունեն:
Տաթև Ֆռանգյան
