18.01.2026 | 11:31
Վթարային ջրանջատում Վայոց Ձորի մարզում
Հրամանատար գիտեմ՝ իր անունը փոքրատառով է գրում, նման մարդիկ լավ «քավորներ» են ունեցել, հայտնվել բանակում. «Հատուկ գնդի» անդամ. ՏԵՍԱՆՅՈՒԹ
Հասարակություն
20.09.2021 | 12:57
«Անկազմակերպություն եղել է, և դա եկել է ավագ հրամանատարներից»,- խոսելով 44-օրյա պատերազմում պարտություն կրելու մասին՝ Factor.am- ի հետ զրույցում այս մասին նշեց «Հատուկ գնդի» անդամ Հայկ Մայիլյանը՝ հավելելով, որ նաև ՄՈԲ-ին ճիշտ չեն դիմավորել:
«Մինչև հոկտեմբերի 12-ը մեր տղաները հակառակորդին հետ են մղել: Իսկ երբ որ հարավային թևում խուճապով նահանջ սկսվեց, հակառակորդը իր արդեն իսկ թուլացած ուժերը կենտրոնացրեց այնտեղ և առավելություն ստացավ: Նահանջելով մարտավարությունը սխալ էր: Երբեք նահանջելով հաղթանակ չեն ունենա»,- նշեց Մայիլյանը:
«Հատուկ գնդի» անդամի կարծիքով՝ պարտության պատճառներից մեկն այն է, որ անգրագետ հրամանատարներ ենք ունեցել, որոնք քավոր – սանիկ հարաբերության շնորհիվ են բարձր պաշտոն ստացել. «Նույնիսկ հրամանատար գիտեմ, որոնք իր անունը փոքրատառով է գրում: Այդպիսիները բանակում են հայտնվել, քանի որ լավ քավոր, լավ «թիկունք» են ունեցել: Այդպիսի մոլախոտերն այնքան շատ են, որ բոլորին միանգամից հանել հնարավոր չէր, աստիճանաբար պետք է արվեր, իսկ այդպես անելու համար ժամանակ էր հարկավոր, մենք չունեինք այդ ժամանակը»:
Մանրամասները՝ տեսանյութում:
