05.08.2026 | 21:40
Երևանում և 3 մարզի մի շարք հասցեներում գազանջատումներ կլինեն
ՌԴ ՊՆ-ն հաստատել է․ Արցախում կրակել են․ հայկական կողմն ունի 2 վիրավոր
18.09.2021 | 23:13
Սեպտեմբերի 17-ին Շուշիի շրջանում հայկական դիրքերը 3 անգամ գնդակոծվել են։ Հայկական կողմից կա 2 վիրավոր։ Այս մասին հայտնում է ՌԴ ՊՆ-ն։
«Հայկական կողմի տեղեկատվության համաձայն՝ կրակել են Ադրբեջանի զինված ուժերի դիրքերից։ Գնդակոծության հետևանքով վիրավորվել է Լեռնային Ղարաբաղի զինված կազմավորումների 2 զինծառայող: Խաղաղապահ զորակազմի հրամանատարության կողմից քննություն է անցկացվում երկու կողմերի ներկայացուցիչների մասնակցությամբ»,- ասված է ՌԴ ՊՆ-ի տեղեկագրում։
Երեկ՝ սեպտեմբերի 17-ին, ԱՀ ՊՆ-ն հայտնել էր, որ սեպտեմբերի 17-ին՝ ժամը 12:30-ի սահմաններում, ադրբեջանական զինուժը Արցախի Հանրապետության արևմտյան հատվածում հերթական անգամ խախտել է հրադադարի պահպանման ռեժիմը, ինչի հետևանքով հրազենային վիրավորում է ստացել ՊԲ զինծառայող, շարքային Վրույր Վարդանի Շահրամանյանը:
