18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Պահանջում ենք վերահսկել Արայիկ Հարությունյանին. տեղահանված բնակիչ. ՏԵՍԱՆՅՈՒԹ
17.09.2021 | 11:58
Արցախի տարբեր շրջաններից տեղահանված բնակիչներ բողոքի ակցիա են իրականացնում կառավարության շենքի դիմաց նրանք բողոքում են բնակեցման, բնակարանների կառուցման հարցերից, տրամադրվող սոցիալական աջակցությունից և փոխհատուցումներից։
«Սոցիալական անարդարություն է այսօր տիրում Արցախում։ Ես չգիտեմ պատերազմում պարտված որևէ պետություն, որտեղ փոխհատուցում տրվել է, ինչու է մեր հանրապետության նախագահ Արայիկ Հարությունյանը որոշել, որ կարելի է փոխհատուցում տալ։ Մի պարզ պատճառով, որովհետև Արաքսի ափից մինչև Քարվաճառ լրիվ եղել է Արայիկ Հարությունյանինը, թե՛ խաղողի այգիները, թե՛ արտերը, ՀԷԿ-երը, գործարանները, ամբողջն իրենն է եղել և փոխհատուցումն ինքն է ստանում»,- լրագրողների հետ զրույցում այս մասին ասաց ակցիա իրականացնող քաղաքացիներից մեկը։
Նա նշեց, թե ժողովուրդը պահաջել է, որ այդ փոխհատուցումները հանրայնացնեն, սակայն որևէ բան հանրայնացված չէ։
«Մեր պահանջը Հայաստանի կառավարությունից էն ա, որ Արայիկ Հարությունյանին վերահսկեն։ Արցախում թափանցիկություն չկա։ Արցախում կոռուպցիան նորից լայն թափ է հավաքել և այստեղից ուղարկած գումարները ճիշտ ու նպատակային չեն օգտագործում»,- նշեց տեղահանված քաղաքացին։
Մանրամասները՝ տեսանյութում:
