02.01.2026 | 16:00
2025-ի դասերը․ կարծիքներ․ ՏԵՍԱՆՅՈՒԹ
Օլիմպիական խաղերում հաղթողների պարգևավճարները կավելանան․ Դումանյան. ՏԵՍԱՆՅՈՒԹ
16.09.2021 | 11:43
Առաջարկվում է Օլիմպիական խաղերում չեմպիոն և մրցանակակիր դարձած մարզիկների, մարզիչների ու բժիշկների տարեվերջյան պարգևատրման գումարների ավելացում: Կառավարության նիստի ընթացքում որոշման նախագիծը ներկայացրեց ԿԳՄՍ նախարար Վահրամ Դումանյանը:
«Օլիմպիական խաղերում առաջին տեղ գրաված մարզիկները գործող որոշմամբ ստանում են 20 միլիոն դրամ, փոփոխության արդյունքում կստանան 25 միլիոն դրամ: Օլիմպիական խաղերում առաջին տեղը գրաված մարզիկի դեպքում ազգային հավաքական թիմի գլխավոր մարզիչը և անձնական մարզիչը գործող որոշմամբ ստանում են 10 միլիոն դրամ, փոփոխության արդյունքում կստանան 12.5 միլիոն դրամ:
Օլիմպիական խաղերում առաջին տեղը գրաված մարզիկի դեպքում հավաքականի թիմի երկրորդ մարզիչը և մեծահասակների հավաքականի թիմի բժիշկը գործող որոշմամբ ստանում են 4 միլիոն դրամ, փոփոխության արդյունքում կստանան 5 միլիոն դրամ:
Օլիմպիական խաղերում երկրորդ տեղ գրաված մարզիկները գործող որոշմամբ ստանում են 15 միլիոն դրամ, փոփոխության արդյունքում կստանան 20 միլիոն դրամ:
Գործող կարգով Օլիմպիական խաղերի չեմպիոն մարզիկը ստանում է 500 հազար դրամ անվանական թոշակ, նախագծով նախատեսված է 1 միլիոն դրամ»,- նշեց նախարարը:
Մանրամասները՝ տեսանյութում:
