23.04.2026 | 16:19
Մեծ ակնկալիքներ ունենք աշխարհի գավաթից․ Հայաստանի Կիոկուշին կարատեի ֆեդերացիայի նախագահ
ԳԴՀ-ում ՀՀ դեսպանի գլխավորած պատվիրակությունը հյուրընկալվել է Սաքսոնիա-Անհալթ երկրամասի խորհրդարանում
Քաղաքականություն
16.09.2021 | 10:05
Սեպտեմբերի 15-ին ԳԴՀ-ում ՀՀ դեսպան Աշոտ Սմբատյանի գլխավորած պատվիրակությունը (երկրամասում ՀՀ պատվավոր հյուպատոս Միխաել Շմիդթ, դեսպանության 2-րդ քարտուղար Աննա Ավետիսյան) հյուրընկալվել է Սաքսոնիա-Անհալթ երկրամասի խորհրդարանում՝ Լանդթագում. տեղեկացնում են դեսպանությունից:
Լանդթագի նախագահ դր. Գուննար Շելլենբերգերն առանձնազրույցի ընթացքում կարևորել է խորհրդարանական դիվանագիտությունը, ինչպես նաև Հայաստանի և Սաքսոնիա-Անհալթ երկրամասի միջև ավանդական դարձած գիտական, մշակութային, կրթական և տնտեսական կապերը:
Իր հերթին՝ ՀՀ դեսպանը կրկին շնորհավորեց դր. Շելլենբերգերին՝ բարձր պաշտոնում ընտրվելու կապակցությամբ՝ մաղթելով նորանոր հաջողություններ: ՀՀ դեսպանը նաև գրառում է կատարել Սաքսոնիա-Անհալթ երկրամասի Լանդթագի պատվավոր հյուրերի գրքում:
Նույն օրը ՀՀ դեսպանին ընդունել է նաև Սաքսոնիա-Անհալթ երկրամասի տնտեսության, գիտության և թվայնացման հարցերով նախարար պրոֆ. դր. Արմին Վիլլինգմանը: Զրուցակիցներն անրադարձել են երկկողմ գիտակրթական ակտիվ կապերի հետագա խորացման հեռանկարներին:
Հայաստանի և Սաքսոնիա-Անհալթ երկրամասի միջև երկարամյա արդյունավետ համագործակցության, հետազոտությունների և գիտակրթական ոլորտներում ցուցաբերած լայն աջակցության համար նախարար Վիլլինգմանը ՀՀ դեսպան Աշոտ Սմբատյանին Սաքսոնիա-Անհալթ երկրամասի կառավարության անունից պարգևատրել է շնորհակալագրով:
