07.03.2026 | 21:35
Տիգրան Բարսեղյանը շարունակեց գոլային շարքը․ ՏԵՍԱՆՅՈՒԹ
Դեռևս որևէ բանակցություն չի ընթանում Լաչինի միջանցքի երկայնքով նոր երթուղու կառուցման շուրջ. Փաշինյան. ՏԵՍԱՆՅՈՒԹ
Քաղաքականություն
15.09.2021 | 18:01
Հայաստանի կառավարության ներկայացուցիչների մասնակցությամբ որևէ բանակցություն չի ընթանում Լաչինի միջանցքի երկայնքով նոր երթուղու կառուցման նախագծի թեմայով: ԱԺ կառավարություն հարցուպատասխանի ժամանակ այս մասին հայտարարեց վարչապետ Նիկոլ Փաշինյանը։
«Աշխատանքային քննարկումներ են տեղի ունեցել Արցախի իշխանությունների և ռուս խաղաղապահ ուժերի ներկայացուցիչների մասնակցությամբ։ Մեր մասնագետներն իքս պահից կմիանան, կձևակերպվի կոնկրետ առաջարկ, այդ առաջարկները կքննարկվեն։ Դա պետք է տեղի ունենա կողմերի համաձայնությամբ, այդ քննարկումների ընթացքում կարվի առավելագույնը, որ Արցախի ժողովրդի և ՀՀ շահերը առավելագույնս պահպանվեն», – նշեց վարչապետը՝ պատասխանելով «Պատիվ ունեմ» խմբակցության պատգամավոր Տիգրան Աբրահամյանի հարցին։
Պատգամավորի խոսքով՝ արցախցիների մոտ մտավախություն կա, որ նոր երթուղին շրջանցելու է ոչ միայն Քաշաթաղի շրջանի Բերձոր, Սուս և Աղավնո համայնքները, այլ` Շուշիի շրջանի Հին Շեն, Մեծ Շեն և Եղցահող, Կանաչ թալա, Լիսագոր, Տասը վերստ գյուղերը։
Աբրահամյանը վարչապետից հետաքրքրվեց, թե կարո՞ղ է երաշխավորել, որ չի հաստատվի Հայաստանն Արցախին կապող այնպիսի երթուղի, որի դեպքում նշված համայնքները ավտոմատ կերպով կանցնեն Ադրբեջանի վերահսկողության տակ՝ թեկուզ անկլավի կարգավիճակով։
«Արցախի և Հայաստանի իշխանություններն ամեն ինչ կանեն, որպեսզի Ձեր նշնած սցենարները տեղի չունենան», – ասաց Նիկոլ Փաշինյանը:
