01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ինչո՞ւ Արարատ Միրզոյանը Դուշանբեում չի մանակցում ՀԱՊԿ նիստին․ պարզաբանում ԱԳՆ-ից
15.09.2021 | 15:27
Օդանավի անսարքության պատճառով նախարար Միրզոյանը չի կարողացել մեկնել Դուշանբե՝ մասնակցելու ՀԱՊԿ Արտաքին գործերի նախարարների, Պաշտպանության նախարարների և ԱԽ քարտուղարների համատեղ նիստին։ Այս մասին Factor.am-ին հայտնեց Արտաքին գործերի նախարարության մամուլի խոսնակ Վահան Հունանյանը՝ պարզաբանելով միջոցառման բոլոր մասնակիցների լուսանկարում նախարարի բացակայության պատճառը։
«Սակայն նա մեկնելու է Դուշանբե, որտեղ վաղը մասնակցելու է ՀԱՊԿ կառույցների աշխատանքին։ Նախատեսված է նաև երկկողմ հանդիպում»,- ասաց նա։
Նշենք, որ համացանցում տարածվել է ՀԱՊԿ Արտաքին գործերի նախարարների, Պաշտպանության նախարարների և ԱԽ քարտուղարների համատեղ նիստից լուսանկար, որտեղ մասնակիցների շարքում բացակայում են Հայաստանի արտաքին գործերի և պաշտպանության նախարարները։ Նրանց բացակայությունը քննարկումների թեմա է դարձել։
Հռիփսիմե Հովհաննիսյան
