19.11.2024 | 15:34
Իրավաբանության «կորիֆեյ» Սուրեն Գրիգորյան, Ձեր սիրուն դեմքի տակ «սպրուտ» է թաքնված. Մանուկյան․ ՏԵՍԱՆՅՈՒԹ
Կորոնավիրուսից երեկ մահացած հղի կինը զբաղվել է ինքնաբուժմամբ
Հասարակություն
14.09.2021 | 20:44
Կորոնավիրուսի բարդացումներից սեպտեմբերի 13-ին մահացած 19-20 շաբաթական հղի կինը Տավուշի մարզի Դիլիջան քաղաքից էր։
Առողջապահության նախարարարության մամուլի խոսնակ Հռիփսիմե Խաչատրյանը Factor.am-ին հայտնեց, որ վերջինս ուշ էր դիմել հիվանդանոց, իսկ մինչ այդ զբաղվել է ինքնաբուժմամբ․
«Դիմել է հիվանդանոց ու միանգամից հոսպիտալացրել են:
Վերակենդանացման բաժանմունքում է եղել․ վիճակը ծայրահեղ ծանր էր»,- նշեց խոսնակը՝ հավելելով, որ պացիենտը պատվաստված չի եղել։
Հիշեցնենք, որ հղի կինն ունեցել է երկկողմանի թոքաբորբ` թոքերի 40 տոկոս ախտահարմամբ, և ըստ Առողջապահության նախարարության հաղորդագրության՝ մահացել է սուր շնչառական անբավարարությունից։
Նշենք, որ անցյալ տարի Հայաստանում կորոնավիրուսով վարակված 5 հղի է մահացել։ 2021 թվականին էլ արձանագրվել է 4 դեպք:
Ընդհանուր առմամբ՝ երկրում կորոնավիրուսից մահվան 9 դեպք գրանցվել է միայն հղիների շրջանում։
Արփի Հակոբյան
