18.01.2026 | 11:31
Վթարային ջրանջատում Վայոց Ձորի մարզում
Այդ միջոցները ծախսվել են պատերազմի վիրավորների և Արցախից եկածների բուժման համար. Թորոսյանը՝ պետպատվերի խնդրի մասին. ՏԵՍԱՆՅՈւԹ
Հասարակություն
14.09.2021 | 19:20
Պետպատվերի հետ կապված խնդիր է առաջացել. բազմաթիվ հիվանդանոցներում քաղաքացիներին հերթագրում են անորոշ ժամանակով և չեն սպասարկում: Թեմայի շուրջ Factor.am-ի հետ զրույցում «Քաղաքացիական պայմանագիր» խմբակցության պատգամավոր, առողջապահության նախկին նախարար Արսեն Թորոսյանը նշեց, որ տեղյակ է խնդրից:
«Պատճառը պետական միջոցների ավելի արագ սպառումն է, քան կանխատեսված էր»,- նշեց Թորոսյանը: Նրա հիմնավորմամբ՝ կովիդի համավարակով և պատերազմական իրավիճակով պայմանավորված՝ հիվանադացության թվի ավելացում է եղել, ավելի շատ քաղաքացիներ են ստացել հաշմանդամության կարգ և պետպատվերով բուժման իրավունք, ավելի շատ քաղաքացիներ են խրոնիկ հիվանդությունների սրացում ունեցել և հիվանդանոցային բուժման կարիք ունեն, և դրանով պայմանավորված՝ բյուջետային բեռը ավելացել է:
Դիտարկմանը, որ մեկուկես միլիարդ դրամ ուղղվել է պատերազմական գործողությունների հետևանքով տուժած քաղաքացիներին, Թորոսյանը պատասխանեց, որ ավելի շատ գումար է հատկացվել, այդ միջոցները ծախսվել են մի քանի ուղղությամբ՝ առաջին հերթին վիրավորների և Արցախից Հայաստան եկածների բուժօգնության համար:
«Պետք է բյուջեում փոփոխություններ իրականացնել և վերաբաշխում կատարել, այլ ճյուղերից, որտեղ թերակատարումներ կան կամ ավելի քիչ կարևոր են, հատկացումները պետք է ուղղել առողջապահության ոլորտին, կամ կարելի է վերաբաշխումներ կատարել հավելյալ հարկային եկամուտների հաշվին»,- ասաց Թորոսյանը:
Մանրամասները՝ տեսանյութում:
