19.11.2024 | 15:25
Շինարարության ոլորտից այս տարի 18 մլրդ դրամ ենք հավաքագրել, Մարությանի օրոք զրո էր․ Ավինյան․ ՏԵՍԱՆՅՈՒԹ
Արա լեռան լանջին բռնկված հրդեհը մարվել է
Հասարակություն
14.09.2021 | 19:07
Սեպտեմբերի 14-ին, հրդեհաշիջման աշխատանքները շարունակվել են․ ժամը 18։20-ին Արա լեռան լանջին բռնկված հրդեհը մարվել է։
ԱԻՆ-ից տեղեկանում ենք, որ այրվել է մոտ 35 հա խոտածածկույթ։
Հիշեցնենք, որ սեպտեմբերի 13-ին, ժամը 17։14-ին Կոտայքի մարզային ճգնաժամային կառավարման կենտրոն ահազանգ է ստացվել, որ Արա լեռան լանջին ծուխ է նկատվում։
Դեպքի վայր են մեկնել ԱԻՆ ՓԾ Կոտայքի և Արագածոտնի մարզային փրկարարական վարչությունների օպերատիվ խմբերը և հրշեջ-փրկարարական ջոկատներից երեք մարտական հաշվարկ։
Հրդեհը մեկուսացվել է ժամը 20։40-ին։ Հրդեհաշիջման աշխատանքներին մասնակցել են 34 փրկարար ծառայող, անտառտնտեսության 15 աշխատակից և Եղվարդ քաղաքի 20 բնակիչ։
Հրդեհաշիջման աշխատանքները մթության պատճառով դադարեցվել են․ փրկարարների և «Հայանտառ» ՊՈԱԿ-ի «Արագածոտնի անտառտնտեսություն» մասնաճյուղի աշխատակիցների կողմից սահմանվել է հերթապահություն։
