07.03.2026 | 19:37
Ինչ իրավիճակ է ճանապարհներին
Թուրքիայում աճում է գործազրկության մակարդակը․ բնակչության մեկ քառորդը գործազուրկ է
Քաղաքականություն
14.09.2021 | 18:21
Թուրքիայում գործազրկության մակարդակը հասել է բնակչության ավելի քան մեկ քառորդին ու պաշտոնական տվյալներից կրկնակի ավելի է․ այս մասին հայտարարել է Թուրքիայի առաջատար առևտրային միությունների կոնֆեդերացիան։ «Ահվալ» գործակալության հաղորդմամբ՝ Թուրքիայի վիճակագրական ինստիտուտը չի ներառել գործազուրկներին, որոնք աշխատանք չեն փնտրում ու նաև այն գործազուրկներին, որոնք գործազուրկ են դարձել COVID-19-ից հետո։
«Ամսական տվյալներն իր մեջ չի ներառում մի շարք մանրամասներ, որոնք նախկինում օգտագործվում էին TurkStat-ի մեթոդոլոգիայի մեջ»,- հայտարարել է արհմիությունը։
Թուրքիայի գործազրկության մակարդակը հուլիսին աճել է 12 տոկոսով կամ 3․9 մլն մարդով։ Այսպիսով՝ ըստ արհմիության տվյալների՝ տղամարդ գործազուրկների իրական թիվը 23․6 տոկոս է, կանանցը՝ 29․6 տոկոս։
Արհմիության զեկույցում նաև ասվում է, որ հուլիսին նոր գործազուրկների թիվը կազմել է 506 000 մարդ, ինչը նշանակում է, որ Թուրքիան հիմա գործազրկության մակարդակով երրորդն է Եվրոպայում՝ Հունաստանից ու Իսպանիայից հետո։
Էմմա Չոբանյան
