29.06.2026 | 17:50
Պուտինի հետ հանդիպում պահանջած և ապստամբությամբ սպառնացող զինվորականը կալանավորվել է
Դատական համակարգում առաջին խնդիրը ծանրաբեռնվածությունն է․ դատավորի թեկնածու Լիանա Հակոբյան. ՏԵՍԱՆՅՈՒԹ
Տեսանյութեր
14.09.2021 | 14:35
Ազգային ժողովն այսօրվա նիստում քննարկում է Վճռաբեկ դատարանի դատավորի թեկնածուի ընտրության հարցը:
Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Հովսեփ Բեդևյանի, Հրաչ Այվազյանի և Լիանա Հակոբյանի թեկնածությունները:
Վճռաբեկ դատարանի դատավորի թեկնածու Լիանա Հակոբյանն իր ելույթում անդրադարձավ դատական համակարգում առկա խնդիրներին:
«Դատական համակարգում համար մեկ խնդիրը դատարանների ծանրաբեռնվածությունն է՝ դրանից բխող մի շարք ածանցյալ բացասական հետևանքներով: Առաջինը ողջամիտ ժամկետում գործերի քննության իրավունքի խախտումն է: Ցավոք, այսօր մենք ունենք ՄԻԵԴ-ի վճիռ ընդդեմ ՀՀ-ի, որով արձանագրվել է Մարդու իրավունքների և հիմնարար ազատությունների պաշտպանության կոնվենցիայի 6-րդ հոդվածի խախտում՝ հենց ողջամիտ ժամկետում գործի քննության իրավունքի խախտման հիմքով»,- ասաց Հակոբյանը:
Թեկնածուի դիտարկմամբ՝ դատարանների ծանրաբեռնվածությունը բացասական ազդեցություն է ունենում դատարանների աշխատանքի, դատական ակտերի որակի վրա:
«Անհրաժեշտ է ձեռնարկել որոշակի քայլեր, ներդնել որոշակի մեխանիզմներ, որոնք կմեղմեն դատարանների ծանրաբեռնվածությունը՝ այդ թվում ավելացնելով դատարանների թվաքանակը: Մասնավորապես, վարչական դատարանի ծանրաբեռնվածությունը մեղմելու միջոց կարող է հանդիսանալ վարչական կարգով բողոքարկումը՝ որպես վարչական դատարան դիմելու պարտադիր պայման»,- ասաց Հակոբյանը:
Մանրամասները՝ տեսանյութում:
