16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՀՀԿ-ից մինչև «Հայրաքաղաք»․ որ քաղաքական ուժերն են հոկտեմբերի 17-ին պայքարելու ՏԻՄ ընտրություններում․ ՏԵՍԱՆՅՈՒԹ
Քաղաքականություն
13.09.2021 | 22:20
Հոկտեմբերի 17-ին Հայաստանի մի շարք համայնքներում կանցկացվեն Տեղական ինքնակառավարման մարմինների ընտրություններ։ Շիրակի, Սյունիքի և Տավուշի մարզերում ավագանի և քաղաքապետ կընտրեն համամասնական ընտրակարգով , իսկ Արագածոտն, Արմավիր, Լոռի մարզերի համայնքներում՝ մեծամասնական ընտրակարգով։ Երեկ՝ սեպտեմբերի 12-ին ժամը 18։00-ին լրացավ կուսակցությունների, կուսակցությունների դաշինքների ընտրական ցուցակների առաջադրման և գրանցման համար անհրաժեշտ փաստաթղթերը տարածքային ընտրական հանձնաժողովներ ներկայացնելու վերջնաժամկետը։
Իշխող «Քաղաքացիական պայմանագիր» կուսակցության վարչության նախագահ Սուրեն Պապիկյանը կատակում է՝ ընտրական գործընթացում չենք ձանձրանա․
«Աշունը բավականին հետաքրքիր է լինելու Տեղական ինքնակառավարման մարմինների ընտրությունների առումով»։
Այս անգամ ինքնակամ ընտրապայքարին չեն մասնակցելու «Բարգավաճ Հայաստան» և «Լուսավոր Հայաստան» կուսակցությունները։
Այսպիսով՝ հոկտեմբերի 17-ին Գյումրիում ընտրապայքարի դուրս կգան հետևյալ 10 քաղաքական ուժերը՝ «Բալասանյան դաշինք» սոցիալական կուսակցությունը, «Գյումրին կռնա՜» նորաստեղծ դաշինքը, «Զարթոնք» ազգային քրիստոնեական կուսակցությունը, «Կոմունիստական» կուսակցությունը, «Արժանապատիվ ուղի» կուսակցությունը, «Հայրաքաղաք» դաշինքը, «Հայաստանի հանրապետական» կուսակցությունը, «Քաղաքացիական պայմանագիր» կուսակցությունը, «Թասիբով» դաշինքը և «Ապրելու երկիր» կուսակցությունը։
Ամենամեծ ընտրազանգված ունեցող Գյումրիում այս տարի քվերակության իրավունք ունի 123 115 քաղաքացի։ Շիրակի մարզի Գյումրու ավագանու ընտրությանը մասնակցության հայտ ներկայացրած առաջին ուժը նորաստեղծ «Բալասանյան դաշինք» սոցիալական կուսակցությունն է։ Թեև քաղաքական ուժի հիմնադիրը գործող քաղաքապետ Սամվել Բալասանյանի որդի Միսակ Բալասանյանն է, սակայն ոչ նա, ոչ էլ հայրն ընդգրկված չեն թեկնածուների ցուցակում։
«Քաղաքացիական պայմանագրից» համամասնական ցուցակը կգլխավորի Շիրակի մարզպետ Հովհաննես Հարությունյանը։ Իշխող ուժի քաղաքապետի թեկնածուն 33 տարեկան է, մասնագիտությամբ բժիշկ, մարզպետ նշանակվել էր այս տարվա հունվարին։
Գյումրիի համայնքապետի թեկնածուներից է նաև Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը, որը գլխավորում է «Ժառանգություն» և «Ռամկավար ազատական» կուսակցությունների կազմած Հայրաքաղաք դաշինքի ցուցակը։ Բարսեղյանը շուրջ 9 տարի է, ինչ Գյումրու ավագանու անդամ է։
Մանրամասները՝ տեսանյութում։
Ռոզա Վարդանյան
