16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ինձ վատ տեղեկություններ են հայտնում սահմանից. Տիգրան Աբրահամյան. ՏԵՍԱՆՅՈՒԹ
Քաղաքականություն
13.09.2021 | 14:27
Ինձ վատ տեղեկություններ են հայտնում սահմանի տարբեր հատվածներում ստեղծված իրավիճակի մասին. Այս մասին ԱԺ պաշտպանության և անվտանգության հարցրի մշտական հանձնաժողովի նիստում հայտարարեց «Պատիվ ունեմ» խմբակցության պատգամավոր Տիգրան Աբրահամյանը:
Պատգամավորը հանձնաժողովի անդամներին առաջարկեց մեկնել սահման ու տեղում` Երասխի, Գորիս – Կապանի ու Խոզնավարի հատվածներում ուսումնասիրություն իրականացնել։
«Նպատակը` առաջինը` ֆիքսել այն իրավիճակային գնահատականը, որը ստեղծված է մեր սահմանների շուրջ, երկրորդը, որի մասին մենք շատ խոսում ենք, բայց տեղում ոչ մի աշխատանք չի արվում, դա հատկապես այն հատվածներն են, որոնք նոյեմբերի 9-ից հետո կարգավիճակային առումով լրիվ փոխվել են` սկսած Սոթքից, վերջացրած Մեղրիով»,- ասաց Աբրահամյանը` հավելելով, որ նման ուսումնասիրությունը թույլ կտա հանձնաժողովի անդամներին պատասխանատուների հետ հանդիպման դեպքում շատ ավելի ճշգրիտ հարցադրումներ անել։
Աբրահամյանը նշեց, որ անձամբ պատրաստ է մասնակցել աշխատանքային խմբերի աշխատանքներին, քանի որ տեղեկատվությունը, որ ստանում է տեղից, դրական չէ։
Մանրամասները՝ տեսանյութում:
