12.08.2026 | 13:37
Նախագահը Մասիս Մելքոնյանին դատավոր նշանակելու հրամանագիրը չէր ստորագրել, բայց դա ձեզ հետաքրքիր չի. Վարդևանյան․ ՏԵՍԱՆՅՈՒԹ
Բաքուն հակադարձել է ԼՂ կարգավիճակի վերաբերյալ ՀՀ-ում ԱՄՆ դեսպանի հայտարարությանը, ու այն «անընդունելի» որակել
Քաղաքականություն
13.09.2021 | 12:12
Ադրբեջանի ԱԳՆ մամուլի քարտուղար Լեյլա Աբդուլաևան անդրադարձել է Հայաստանում ԱՄՆ դեսպան Լին Թրեյսիի ՝ ԼՂ կարգավիճակի վերաբերյալ հայտարարությանը, ու այն որակել է «անընդունելի»։
«Լեռնային Ղարաբաղի կարգավիճակի հարցը մնում է ԵԱՀԿ Մինսկի խմբի հովանու ներքո անցկացվող բանակցությունների օրակարգում»,- լրագրողների հետ զրույցում ասել էր ՀՀ-ում ԱՄՆ դեսպան Լին Թրեյսին։
Ի պատասխան Ադրբեջանի արտգործնախարարությունից հայտարարել են, որ «ԱՄՆ դեսպանի նման հայտարարություններն անընդունելի են»։
«Հակամարտությունը մնացել է հետևում, Ադրբեջանն ապահովել է իր տարածքային ամբողջականությունն ու երկրի նախագահի հրամանով ստեղծվել են Արևելյան Զանգեզուրի ու Ղարաբաղի տնտեսական շրջանները: Այդ տարածքները Ադրբեջանի անբաժան մասն են, և որևէ կարգավիճակի մասին խոսք լինել չի կարող», – ասել է Աբդուլաևան:
Ըստ Լեյլա Աբդուլլաևայի՝ «եռակողմ հայտարարության ստորագրումից հետո հնարավորություն է ստեղծվել հարաբերությունները կարգավորել միջազգային իրավունքի սկզբունքների հիման վրա, իսկ ԱՄՆ ներկայացուցիչը հանդես է գալիս հայտարարությամբ, որը ծառայում է իրավիճակի սրմանը և մյուս կողմ մոտ անհիմն սպասումներ ստեղծելուն»:
Տաթև Ֆռանգյան
