14.02.2026 | 18:29
Բոլորին հետաքրքիր է՝ ինչ տեսք կունենա Երևանի և Բաքվի միջև խաղաղությունը. ադրբեջանցի փորձագետ. ՏԵՍԱՆՅՈՒԹ
Ադրբեջանը ոստիկանական կետ է տեղադրել․ հավանաբար՝ պայմանավորվածություններ են եղել․ Աննա Գրիգորյան. ՏԵՍԱՆՅՈՒԹ
Քաղաքականություն
13.09.2021 | 10:40
«Հայաստան» խմբակցության պատգամավոր Աննա Գրիգորյանը, դիմելով ԱԺ նախագահ Ալեն Սիմոնյանին, նշեց․ «Քաղաքացիները երթևեկում են Գորիս-Կապան ավտոճանապարհով։ Դուք հաճախ եք խոսում ժողովրդի անունից… Այդ տրամաբանության մեջ կարո՞ղ եք ասել՝ ի՞նչ է կատարվում, Գորիս-Կապան ճանապարհով անցնելն արդյոք ապահո՞վ է»։
Ալեն Սիմոնյանը պատասխանեց․ «Զերծ կմնամ։ Տեղեկատվության առումով տիրապետում եմ նրան, ինչը պաշտոնական է։ Իմանալով ՀՀ իշխանության գորճելաոճը, ոչ դեղին մամուլից, գիտեմ, որ որդեգրվում է աշխատանքի ամենաբաց տրամաբանությունը»։
Աննա Գրիգորյանն ընդգծեց. «Բաց լինելուց եք խոսում, բայց բանավոր համաձայնությամբ Կովսականի շրջանները հանձնել եք Ադրբեջանին: Եվ այսօր, եթե ադրբեջանցիները ոստիկանական կետ են տեղադրել, հավանաբար եղել է ինչ-որ պայմանավորվածություն»։
ԱԺ նախագահը պնդեց, որ որևէ մեկը որևէ մեկին ոչ մի բան չի հանձնել. «Եղել են դեպքեր, երբ ինչ-որ քաղաքական գործիչներ զինվորականներին հորդորել են թողնել դիրքերը՝ նույն այդ բացատրությունով, ասելով, որ ամեն ինչ որոշված է, հանձնած է և այլն, և առաջարկել են գալ Երևանում «խրամատ պահելու»՝ հարձակում իրականացնելու»։
Մանրամասները՝ տեսանյութում:
