Տնտեսություն
11.09.2021 | 10:34
Վայոց ձորի մարզպետ Արարատ Գրիգորյանն աշխատանքային այց է կատարել Աղավնաձոր բնակավայր։ Մարզպետն Արենի համայնքի ղեկավար Հուսիկ Սահակյանի, մարզպետարանի Գյուղատնտեսության և բնապահպանության վարչության պետ Գեղամ Մարգարյանի, մարզպետի խորհրդական Արմեն Դավթյանի, մարզպետի տեղակալի օգնական Աշխեն Հայրապետյանի հետ հանդիպել է Աղավնաձորի խաղողագործների հետ։
Հանդիպման ընթացքում լսել է աղավնաձորցի բնակիչների կողմից բարձրաձայնված խաղողի մթերման գործընթացի վերաբերյալ խնդիրներն ու վերջիններիս լուծման ուղղությամբ հնարավոր առաջարկները:
Մարզպետն այցի ընթացքում եղել է «Մաթևոսյան Վայն» ՍՊԸ-ում, շրջել գործարանի տարածքում, ծանոթացել վերջինիս արտադրական կարողություններին, ենթակառուցվածքներին, մթերքների ընդունման և մշակման արտադրաշղթային:
Այնուհետև Արարատ Գրիգորյանն այցելել է տեղի Մուրադ Սարգսյանի անվան Արվեստի դպրոց։ Տնօրեն Մելսիկ Մելքոնյանի ուղեկցությամբ շրջել է դպրոցում, ծանոթացել ուսուցչական կոլեկտիվի հետ, լսել դպրոցի շնորհալի սաների կատարումները և նրանց մաղթել հաջողություններ ու նորանոր ձեռքբերումներ։
Աշխատանքային այցի շրջանակներում մարզպետն Աղավնաձորի վարչական ղեկավար Արամ Միքայելյանի ուղեկցությամբ եղել է «ՄիլՆար» երկաթե կոնստրուկցիաների և ցանցերի արտադրությամբ զբաղվող ընկերությունում, ինչպես նաև այցելել բնակավայրի ենթակայությամբ գտնվող այլ կառույցներ։
