13.01.2026 | 09:50
ՀՀ տարածքում կան փակ ավտոճանապարհներ
Champions Showdown․ Լեւոն Արոնյանը պարտվել է Գարի Կասպարովին
10.09.2021 | 16:42
ԱՄՆ-ի Սենթ Լուիս քաղաքում ընթացող Champions Showdown Chess 9LX (Շախմատ-960, Ֆիշերի շախմատ) մրցաշարի 5-րդ տուրում Լեւոն Արոնյանը մրցեց աշխարհի 13-րդ չեմպիոն, 58-ամյա ռուսաստանցի Գարի Կասպարովի հետ, որը խաղաց սեւ ֆիգուրներով եւ հաղթեց 66 քայլում. գրում է sport.news.am-ը:
Առաջին չորս տուրերում 38-ամյա հայ գրոսմայստերը հաղթել էր ամերիկացի Հիկարու Նակամուրային, պարտվել ռուսաստանցի Պյոտր Սվիդլերին, ոչ ոքի խաղացել ամերիկացի Ֆաբիանո Կարուանայի եւ ֆրանսիացի Մաքսիմ Վաշիե-Լագրավի հետ։
Լեւոն Արոնյանը 2 միավորով կիսում է 7-8-րդ տեղերը ադրբեջանցի Շահրիյար Մամեդյարովի հետ։
Մնացած 4 տուրերում Արոնյանի մրցակիցները կլինեն ամերիկացիներ Ուեսլի Սոն, Սեմ Շանքլանդը եւ Լենիեր Դոմինգեսը, նաեւ Մամեդյարովը։
Մրցաշարը կավարտվի սեպտեմբերի 11-ին։ Մրցանակային հիմնադրամը 150 հազար դոլար է, հաղթողը կստանա 37 հազար 500 դոլար։
