19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Ստեփանակերտը սնուցող ջրային ռեսուրսները պլանավորված չէին բնակչության նման աճի համար․ Արցախի ՄԻՊ
08.09.2021 | 14:53
Արցախի որոշ համայնքներում ջրամատակարարման խնդիրը պայմանավորված է այն հանգամանքով, որ արտեզյան ջրհորները, որոնցով սնվում էին մի շարք համայնքներ, հայտնվել են ադրբեջանական օկուպացիայի ներքո, ինչի հետևանքով մենք զրկվել ենք այդ ջրերն օգտագործելու հնարավորությունից։ Այս մասին լրագրողների հետ զրույցում հայտնեց ԱՀ ՄԻՊ Գեղամ Ստեփանյանը։
Ստեփանյանի խոսքով՝ Արցախում ջրամատակարարման հետ կապված խնդիրները պայմանավորված են նաև այս տարի աննախադեպ տաք եղանակային պայմանների հետևանքով առաջացած ջրային լուրջ խնդիրների հետ։
ԱՀ ՄԻՊ-ի փոխանցմամբ՝ Ստեփանակերտի պարագայում հարցը պայմանավորված է նրանով, որ նախապատերազմյան շրջանի համեմատ բնակչությունը մոտ 13-15 հազարով աճել է։
«Նրանք մարդիկ են, որոնք ներքին տեղահանվածներ են՝ Շուշիի, Հադրութի, Ասկերանի բռնազավթված տարածքներից և բնակություն են հաստատել հիմնականում Ստեփանակերտում, իսկ Ստեփանակերտը սնուցող ջրային ռեսուրսները պլանավորված չէին քաղաքի բնակչության նման աճի համար»,- նշեց Ստեփանյանը։
Մանրամասները՝ տեսանյութում:
