19.04.2026 | 16:57
«Հանուն Հանրապետության» կուսակցությունը հաստատել է թեկնածուների առաջին երեսուն անունները
Դժվարանում եմ ասել, որ 319 տոկոսով տուրիստների այցի աճ կունենանք. Քերոբյան. ՏԵՍԱՆՅՈՒԹ
Տնտեսություն
08.09.2021 | 12:41
Կառավարության նիստից հետո՝ լրագրողների հետ ճեպազրույցում, ՀՀ էկոնոմիկայի նախարար Վահան Քերոբյանը խոսել է զբոսաշրջության աճի մասին իր կանխատեսումներից:
«Մինչև օգոստոսի վերջը եղած ժամանակահատվածում Հայաստան է եկել մոտավորապես 488 հազար զբոսաշրջիկ: Օգոստոսին եղել է 143 հազար զբոսաշրջիկ: Դա նշանակում է, որ անցած տարվա համեմատ ունենք 130 տոկոս: Դժվարանում եմ վստահաբար ասել, որ 300 տոկոսից ավել կկատարվի, բայց ենթադրում եմ, որ տարեվերջին անպայման 1 միլիոնից ավելի զբոսաշրջիկ կունենանք: Պլանավորված է 1 միլիոն 200 հազար: Իհարկե, տեսնում եք, համաճարակային իրավիճակը տարբեր տեսակի վայրիվերումներով է գնում, դժվարանում է ճանապարհների անցանելիությունը, և այսպիսի պայմաններում ճշգրիտ գուշակելը բավական բարդ գործ է… Հուսանք, որ շատ չենք վրիպի մեր կանխատեսումներում»,- ասաց Քերոբյանը:
Հիշեցնենք՝ Վահան Քերոբյանն ամիսներ առաջ լրագրողների հետ զրույցում ասել էր, որ այս տարի զբոսաշրջության ոլորտում կանխատեսում է 319 տոկոս աճ:
Մանրամասները՝ տեսանյութում:
